ढाका, ३१ दिसम्बरमासः (हि.स.)। बाङ्ग्लादेश-राष्ट्रीय-दलम् (बीएनपी) इत्यस्य कार्यवाहक-अध्यक्षः तारिक् रहमानः स्वमात्रे, पूर्व-प्रधानमन्त्रिणे खालिदा-जियायै, तस्याः निधनानन्तरं भावपूर्णां श्रद्धाञ्जलिम् अर्पितवान्। तारिक् रहमानः तां प्रभावशालिनीं राष्ट्रिय-नेत्रीं तथा च प्रियतमां मातरम् इति संज्ञया संज्ञितवान्। बीएनपी-अध्यक्षाया: खालिदा-जियायाः ह्यः प्रातःकाले ढाका-नगरे स्थिते एवरकेयर-चिकित्सालये चिकित्सोपचारकाले निधनम् अभवत्। अद्य तस्याः दफ़न-क्रिया (सुपुर्द-ए-ख़ाक्) विधास्यते।

द-डेली-स्टार-पत्रिकायाः प्रतिवेदनानुसारं, तारिक् रहमानः फेसबुक्-पटलमध्ये अवदत् यत्—खालिदा-जियायाः सार्वजनिक-जीवनं त्यागेन संघर्षेण च परिपूर्णम् आसीत्, सा च गृहे परिवारस्य सर्वथा सत्या संरक्षिका आसीत्। सः अलिखत् यत् “तस्याः स्नेहः अस्मान् अस्माकं अत्यन्त-कठिनेषु क्षणेषु बलं दत्तवान्।”

खालिदा-जियायाः ज्येष्ठः पुत्रः तारिक् रहमानः अवदत्—“अनेकेषां कृते सा देशस्य नेत्री आसीत्, शीलिनी नेत्री, लोकतन्त्रस्य जननी, तथा बाङ्ग्लादेशस्य माता इति ख्याता आसीत्।” सः अवदत् यत्—देशः तस्याः अभावं नूनमनुभविष्यति।

राजनैतिक-संघर्ष-कालान् स्मरन् तारिक् रहमानः अवदत् यत्—तस्याः मातुः बहुधा अपहरणं कृतम्, सा च चिकित्सा-सुविधाभ्यः वञ्चिता आसीत्। तथापि सा वेदनां, कारावासम्, अनिश्चिततां च सहमानाऽपि धैर्येण करुणया च स्वपरिवारस्य संरक्षणं कृतवती।

दिवंगत-राष्ट्रपतिं तथा बीएनपी-संस्थापकं जिया-उर्-रहमानम्, लघु-भ्रातरं आराफ़ात् रहमान् कोको च उल्लिख्य तारिक् रहमानः अवदत्—देश-सेवायां सा स्वपतिं पुत्रं च विहाय तयोः विरह-दुःखं सहनं कृतवती। सः अवदत् यत् “तस्मिन् क्षये बाङ्ग्लादेशः तथा तस्य नागरिकाः एव मातुः आत्मरूपेण परिणताः।”

तारिक् रहमानः अवदत् यत् “सा देशभक्ति, बलिदान तथा प्रतिरोधस्य अविस्मरणीयां परम्पराम् अवशेषितवती। एषा परम्परा बाङ्ग्लादेशस्य लोकतान्त्रिक-चेतनायां सदा जीविता भविष्यति।”

अन्ते तारिक् रहमानः देश-विदेशेषु तान् सर्वान् कृतज्ञतया स्मृतवान्, ये खालिदा-जियायाः निधनकाले संवेदनाः प्रकटितवन्तः।

हिन्दुस्थान समाचार / अंशु गुप्ता