—आंग्ल नववर्षमालक्ष्य मंदिरेषु घाटेषु च सुरक्षायाः व्यापकः प्रबन्धः

वाराणसी, 31 दिसंबरमासः (हि.स.)।

संवत्सरस्य 2025 अन्तिमदिने बुधवासरे उत्तरप्रदेशस्य धार्मिकनगरी काशी (वाराणसी) मध्ये घनकुज्झटिकायां तीव्रे शैत्ये चापि भक्तानां आस्था चरमावस्थायां दृष्टा। श्रीकाशीविश्वनाथमन्दिरम् सहितं नगरस्य प्रमुखदेवालयेषु गङ्गाघाटेषु च दर्शनपूजनार्थं महान् जनसमूहः समाययौ। प्रभाते मङ्गलारत्येः पूर्वमेव श्रीकाशीविश्वनाथमन्दिरे झाङ्की-दर्शनाय भक्तानां दीर्घाः पङ्क्तयः जाताः।

देशस्य विविधान् राज्येभ्यः आगताः भक्ताः दशाश्वमेध-घाटं सहितं समीपस्थेषु घाटेषु च पवित्रायां गङ्गायां स्नात्वा “हरहर महादेव” इति जयघोषं कृत्वा बाबा-विश्वनाथस्य दरबारम् अगच्छन्। चतुष्पथ-बांसफाटक-प्रदेशे दर्शनपूजनाय कतारबद्धाः मध्यप्रदेशस्य गुना- बैढन-प्रदेशाभ्यां आगताः भक्ताः— विकास-साव्, सन्दीप-गोंड्, चन्दू-गोंड् च— “ऊँ नमः शिवाय, शुभं शुभं कुरु कुरु शिवाय नमः ऊँ, हे शिव कल्याणकारी प्रभो” इत्यादि घोषं कृत्वा अवदन् यत् ते संवत्सरस्य अन्तिमदिने आङ्ग्ल-नववर्षस्य प्रथमदिने च बाबा-विश्वनाथदर्शनपूजनार्थं वाराणसीं प्राप्ताः। तेषां विश्वासः अस्ति यत् वर्षान्ते कृतं दर्शनं समग्रं वर्षं शुभं मंगलमयं च करिष्यति। ते अवदन् यत् दर्शनकाङ्क्षया ते मङ्गलवासरस्य सायमेव काशीम् आगतवन्तः।

स्थानीय-सामाजिक-कार्यकर्तारः अजित्-सिंह्, सन्दीप-चौबे, प्रवीण-तिवारी इत्यादयः अवदन्— यत् श्रीकाशीविश्वनाथधामस्य नूतन-भव्य-रूपेण विकासानन्तरं भक्तानां संख्यायां निरन्तरं अभूतपूर्ववृद्धिः दृश्यते। एषा सनातन-संस्कृतेः सकारात्मक-सङ्केता। इदानीं जनाः गोवा-मुम्बई-मनाली-शिमला-इत्यादीनि पर्यटनस्थलानि विहाय काशी-अयोध्ये इत्येतयोः एव प्राधान्यं ददति।

प्रशासनिक-स्रोतसाम् अनुसारम् क्रिस्मस-दिनात् एकदिनपूर्वं आरभ्य प्रतिदिनं चत्वारि-लक्षाधिकाः भक्ताः काशीम् आगच्छन्ति। मन्दिर-गल्यः आरभ्य गङ्गाघाटान् यावत् भक्तानां प्रवाहः दृश्यते। प्रचण्ड-शीतलहर्यपि भक्तसंख्यायां निरन्तरा वृद्धिरेव दृश्यते। गङ्गायां नौकायनस्य विषयेऽपि स्पर्धा प्रचलति। भक्तानां घनभीडं दृष्ट्वा जिलाप्रशासनena व्यापकाः सुरक्षा-व्यवस्थाः कृताः। मङ्गलवासरस्य सायं विलम्बेन पुलिस्-आयुक्तः मोहित-अग्रवाल् श्रीकाशीविश्वनाथमन्दिरपरिसरस्य निरीक्षणं कृत्वा सुरक्षा-व्यवस्थायाः अवलोकनं च कृतवान्, सम्बद्धाधिकारिभ्यः आवश्यकानि निर्देशान् दत्तवान्।

---------------

हिन्दुस्थान समाचार