Enter your Email Address to subscribe to our newsletters
कोलकाता, 4 दिसंबरमासः (हि.स.)। पश्चिमबङ्गप्रदेशे राजनीतिक—चञ्चलतायाः मध्ये तृणमूल—काँग्रेस्—दलेन महत् पादप्रेक्षं कृत्वा भरतपुर–विधानसभा–क्षेत्रस्य विधायकः हुमायूँ–कबीरः दलात् आजीवनं निलम्बितः इति घोषिता। कोलकाता–नगरस्य महापौरः च नगरविकासमन्त्री च असौ फिरहाद् हकीम् गुरुवासरे पत्रकार–परिषदं कृत्वा एतत् प्रकाशयामास।
फिरहाद् हकीम् अवदत्— हुमायूँकबीरस्य तृणमूलकाँग्रेस्दलेन अद्यारभ्य किमपि सम्बन्धं न भविष्यति। दलः धर्म–नाम्ना द्वेष–प्रसारणं कुर्वन्तीं राजनीतििं न स्वीकुरुते तथा च तादृशैः व्यक्तिभिः सह तस्य कश्चन सम्बन्धः न भवितुमर्हति इति। सः अपि अवदत्— एषा कार्यवाही तृणमूलदलेन स्थापितायाः अनुशासनसमितेः निर्णयेन, तृणमूल–अध्यक्षायाः ममता–बनर्जी इत्यस्याः अनुमत्यनन्तरं कृता इति।
विधायकः हुमायूँ–कबीरः इदानीं दिवसेषु स्वस्य विवादास्पद–उक्तेः कारणात् चर्चायां स्थितः आसीत्। सः डिसेम्बर–षष्ठ्यां तिथौ बेलडाङ्गा–प्रदेशे “बाबरी–मस्जिदस्य” आधार–शिला–स्थापन–सदृशं वक्तव्यं दत्तवान्, यस्य परिणामस्वरूपं राजनीतिक–तापमानम् आकाशस्पर्शि जातम्। एतस्य वक्तव्यस्य कारणात् दले अन्तर्गतं किञ्चित् असहजता जाताऽभूत्, तथा च निर्वाचन–पूर्वं तादृशी स्थितिः तृणमूल–दले कृच्छ्रं जनयति स्म।
मुर्षिदाबाद–जनपदः कतिपय–मासेभ्यः साम्प्रदायिक–रोषेण, वक्फसंशोधनविधेयकविरोधजनितया हिंस्रस्थित्या च अतीव संवेदनशीलः जातः आसीत्। अस्य पृष्ठभूमौ कबीरस्य उक्तिः दलस्य निर्वाचनरणनीतिं अधिकं क्लिष्टां कृतवती इति।
हिन्दुस्थान समाचार / अंशु गुप्ता