जयपुरम्, 5 दिसंबरमासः (हि.स.)।

केंद्रीयसंस्कृतविश्वविद्यालयस्य जयपुरपरिसरे भगवान् बिरसामुण्डस्य शतपञ्चाशदुत्सवजयंती जनजातीयगौरवदिवसश्च अवसरत्वेन भव्यं गरिमायुतं च समारोहम् आयोजनं कृतम्। कार्यक्रमस्य शुभारम्भः सरस्वतीपूजनेन भगवानः बिरसामुण्डस्य चित्रे पुष्पार्पणेन च अभवत्। आयोजनस्य उद्देश्यं जनजातीनां नायकानां इतिहासं वीरतां सांस्कृतिकधरोहरं राष्ट्रनिर्माणे च तेषां योगदानं स्मारयितुं आसीत्। द्विदिनात्मकस्य कार्यक्रमस्य अन्तर्गतं नानाविधाः शैक्षणिकाः सांस्कृतिकाश्च गतिविधयः आयोजिताः, बिरसामुण्डस्मृतौ वृक्षारोपणं च कृतम्।

कार्यक्रमस्य मुख्यातिथिः राजस्थानसरकारस्य पूर्वमन्त्री कनहैयालालमीणा आसīt। स स्वस्य उद्बोधने बिरसामुण्डस्य, जनजातीयसमाजस्य गौरवपरम्परायाः, औपनिवेशिककाले जातानां संघर्षानां राष्ट्रप्रेमणः त्यागस्य साहसस्य च, तथा सांस्कृतिकसमृद्धेः विषये प्रकाशं कृतवान्।

मुख्यवक्ता राष्ट्रियस्वयंसेवकसंघस्य जयपुरविभागस्य प्रचारकः प्रशान्तः अवदत् यत् भारतस्य स्वतन्त्रतासंग्रामे सामाजिकचेतनायाश्च इतिहासे जनजातीयसमाजस्य योगदानं अतुलनीयम्। तेन बिरसामुण्डेन सह अनेकानां जनजातीयनायकानां आदर्शान् प्रेरणास्रोतत्वेन निर्दिष्टम्। तेन उक्तं यत् रामायणकालयात् आरभ्य अद्ययावत् विविधेषु कालखण्डेषु भारतीयसंस्कृतेः नानारूपाणि दृश्यन्ते, यस्यां जनजातीयसंस्कृतेः अपि महत्वपूर्णं स्थानम्। तेन जनजातीयसंस्कृतेः इतिहासस्य च विषये अधिकं अनुसन्धानं करणीयमिति आग्रहः कृतः।

समारोहस्य अध्यक्षता विश्वविद्यालयस्य वरिष्ठाचार्येण लोकमान्यमिश्रेण कृतम्। तेन अवोचत्—जनजातीयसमूहानां परम्पराः भारतीयसंस्कृतेः आत्मा इव सन्ति, एवं प्रकारस्य आयोजनानि युवा-पीढायां राष्ट्रीयचेतनां सांस्कृतिकजागृतीं च वर्धयन्ति।

सह-निदेशकः शीशरामः अवदत् यत् युवानः बिरसामुण्डस्य आदर्शान् आत्मसात् कृत्वा राष्ट्रनिर्माणे स्वभूमिकां निर्वहन्तु। स्वागतभाषणं गौराङ्गबाघेन दत्तं, धन्यवादप्रस्तुति आरतीमीणायाः कृताऽभूत्। कार्यक्रमस्य सञ्चालनं सह-समन्वयकेन सुभाषचन्द्रमीणेन कृतम्।

अस्मिन् अवसरे सह-निदेशकः बोधकुमारझा, कृष्णाशर्मा, सच्चिदानन्दस्नेही, विष्णुकुमारनिर्मल, सीमाअग्रवाल, दरियावसिंहः, बत्तीलालमीणा, मनीषचाण्डकः, हरिओमशर्मा, विनोदशर्मा, रामेश्वरदयालशर्मा, विनिशर्मा, प्रीतीशर्मा, कान्तागलानी, सुरेन्द्रजाखडः, प्रकाशयादवः, प्रभातदासः, श्रुतीजैन, सत्यकामआर्यः, अञ्जलीगौतम् इत्यादयः अनेकाः प्राध्यापकाः कर्मचारीणश्च छात्र-छात्राश्च उपस्थिताः आसन्।

---------------

हिन्दुस्थान समाचार