Enter your Email Address to subscribe to our newsletters
नवदिल्ली, 5 दिसंबरमासः (हि.स.)। भारतं रूसं च २०३० वर्षपर्यन्तं आर्थिकमार्गचित्रस्य घोषणां कृत्वा बहूनि महत्त्वपूर्णानि प्रयासान् निश्चितवन्तौ। रूसदेशे भारतीयैः औषधनिर्माणशाला स्थापयिष्यते भारतदेशे तु संयुक्तरूपेण यूरियाउत्पादनस्य प्रवर्धनं करिष्यते। भारतीयनाविकानां प्रशिक्षणकार्ये रूससहयोगं करिष्यति तथा नौपरिवहने नौकानिर्माणक्षेत्रे च साझेदार्यं सुदृढं करिष्यति। रूस भारताय लघुपरमाणुरिएक्टरान् दातुं प्रस्तावितवान्। रुषप्रजाभ्यः ईवीजा सुविधा दास्यते जनानां गमनागमनं सरलतां नयितुं मोबिलिटीपॅक्ट इत्यस्य विषये च सहमति प्राप्ता।
प्रधानमन्त्री नरेन्द्रमोदी राष्ट्रपतिः व्लादिमीरपुतिन च अद्य त्रयोविंशे भारत रूस वार्षिक शिखरसम्मेलने हैदराबादहौस इत्यत्र दीर्घां वार्ताम् अकुर्वताम्। उभौ नेतारौ द्वयोः राष्ट्रयोः सम्बन्धानां सर्वान् आयामान् चर्चितवन्तौ। भारत रूसयोः विशेषविशेषाधिकारयुक्तां सामरिकसाझेदार्यं सुदृढं कर्तुम् उभयोः परस्परप्रतिबद्धता पुनः दृढीक्रियता। उभयोः हितकराणि क्षेत्रीय वैश्विकविषयाः अपि चर्चिताः।
विदेशमन्त्रालयस्य प्रवक्त्रा रणधीरजायसवाल उक्तं यत् नेतृद्वयस्य सन्निधौ बहूनि समझौतानि विनिमयितानि व्यापारवाणिज्यं प्रवासनं समुद्रीसहयोगः स्वास्थ्यं खाद्यसुरक्षा उर्वरकाः शिक्षा मीडिया सहयोगः लोकसंपर्कवर्धनम् इत्यादयः विषयाः अत्रान्तर्गताः।
वार्तापश्चात् प्रधानमन्त्री मोदी पुतिनच संयुक्तप्रेसवक्तव्यं दत्तवन्तौ। प्रधानमन्त्री मोदिना भारत रूस सम्बन्धाः ध्रुवतारकाश्रितान् इव नित्यस्थिराः इति दृष्टान्तेन निरूपिताः। उभौ राष्ट्रौ २०३० पर्यन्तं आर्थिकसहयोगस्य कार्यक्रमम् अग्रे नयितुं सहमतौ। यूरेशिय आर्थिकसंघेन सह मुक्तव्यापारानुबंधस्य दिशि उभौ राष्ट्रौ अग्रे चलतः।
प्रधानमन्त्रिणा घोषितं यत् भारतं शीघ्रं रुषनागरिकेभ्यः निःशुल्कं त्रिंशद्दिनपर्यन्तं पर्यटनवीजां समूहपर्यटनवीजां च आरप्स्यति। दुर्लभखनिजेषु सहकार्यं विश्वव्यापि सप्लाईचेन सुरक्षितं विविधं च कर्तुं महत्त्वपूर्णम् इति तेन उक्तम्। स्वच्छऊर्जायाम् उच्चप्रौद्योगिकउत्पादने च उद्योगानां भाविनि सहयोगाय त्वेतत् उपयोगी भविष्यति। ऊर्जा सुरक्षा भारत रूस सम्बन्धानां दृढस्तम्भ इति सः अवदत्। नागरिकपरमाणुऊर्जाक्षेत्रे दशकीयसहयोगः स्वच्छऊर्जायाः राष्ट्रीयप्राथमिकतां सार्थकां कर्तुं समर्थः इति च तेनोक्तम्।
प्रधानमन्त्री अवोचत् यत् उभौ राष्ट्रौ ध्रुवीयजलप्रदेशेषु समुद्रीयात्रिकाणां प्रशिक्षणाय सहयोगं करिष्यतः। एतत् आर्कटिक सहयोगाय नूतनबलं दास्यति युवानां कृते नूतनान्यवसायाञ्च निर्मास्यति। तेन अयं उल्लेखः अपि कृतः यत् अक्तोबरमासे काल्मिकियायां अन्तरराष्ट्रीयबौद्धमञ्चे बहवः श्रद्धालवः भगवान्बुद्धस्य पवित्रावशेषानां दर्शनं प्राप्नुवन्।
यूक्रेन संघर्षस्य विषये प्रधानमन्त्री अवदत् यत् भारतं आद्यादेव शान्तेः पक्षधरम्। शान्तिपूर्णं स्थायीसमाधानं प्रति ये प्रयासाः क्रियन्ते भारतं तेषां सर्वेषां समर्थनं करोति। भारतं स्वीयं योगदानं दातुं सदैव तत्परं भविष्यति च।
आतङ्कवादस्य विषये कर्कशं रूखं दर्शयन् प्रधानमन्त्री पिहलगाम आक्रमणस्य स्मरणं कृत्वा अन्तरराष्ट्रीयसहयोगस्य आवश्यक्ताम् अभिन्यवेत्। भारत रूसौ दीर्घकालात् सहकार्यं कुर्वन्तौ। आतङ्कवादः मानवमूल्यानि प्रतिपश्यति अतः वैश्विकैकता एव बलिष्ठशक्ति इति प्रधानमन्त्रिणा अभिप्रेतम्। अस्मदीया मैत्री वैश्विक चुनौतिषु जयप्रदानक्षमत्वं दास्यति इति सः आशां व्यक्तवान्।
रूसीराष्ट्रपति पुतिन संयुक्तप्रेसवार्तायां अभिनवसहकार्यानि निर्दिशत्। भारतीयप्रौद्योगिक्या रूसदेशे विशालऔषधनिर्माणशाला स्थाप्यते येन उच्चगुणवत्तायुक्ताः औषधयः उत्पादयितुं शक्यन्ते। द्विपक्षीयव्यापारं २०३० वर्षे शतबीबरडॉलरस्तरं प्रति नेष्यति इति लक्ष्यं निश्चितम्। रूस भारतं प्रति तेलगैस कोयल इत्येतयोः आपूर्तिं निर्बाधतया करिष्यति।
ब्रिक्ससंगठने भारत रूस साझेदार्यं निर्णायकमिति पुतिना उक्तम्। भारतस्य अध्यक्षतायां रूस पूर्णसहयोगं दास्यति। उभौ राष्ट्रौ स्वातन्त्र्यविदेशनीतिं अनुगच्छन्तौ वैश्विकदक्षिणस्य स्वरं सुदृढं कुर्वतः। उत्तर दक्षिण परिवहन गलियारे नवीनमार्गणां विकासे च प्रगति निर्दिष्टा।
कुडनकुलं परमाणुसंयंत्रे षट्सु रिएक्टरेषु त्रयः ग्रिडेन संयोजिताः। एतत् भारतस्य महत्तमं परमाणुसंयंत्रं भविष्यति। गतवर्षे द्विपक्षीयव्यापारः चतुष्षष्टिबूबरडॉलरस्तरे आसीत् द्वादशशतमांशवृद्धिश्च अभवत्। देयनिपटाने राष्ट्रीयमुद्राणां उपयोगः षण्णवत्यधिकशतमांशपर्यन्तं प्राप्तः येन आर्थिकसहयोगः सुदृढो भविष्यति।------------
हिन्दुस्थान समाचार