Enter your Email Address to subscribe to our newsletters
गांधीनगरम्, 6 दिसंबरमासः (हि.स.)। केंद्रिय-गृहमंत्री अमितशाहः त्रिदिनात्मक-गुजरात-भ्रमणेन शुक्रवासरे गान्धीनगरम् आगतः, यत्र तेन नगराय अष्टषष्टि-कोटि-रूप्यक-मूल्यस्य विविधप्रकल्पानां लोकार्पणं कृतम्। व्यस्ते अपि कार्यक्रमे, सः अकस्मात् स्वस्य पूर्वगुरोः—जीवनभाई डाह्याभाई पटेलस्य (माणसायां जे.डी.सी.पी. पटेल इति प्रसिद्धस्य) — गृहम् अगच्छत्।
अमितशाहः ८९-वर्षीयं गुरुम् गायत्रीनगर-स्थिते गृहे उपगत्य तस्य चरणौ स्पृष्ट्वा आशीर्वादम् अवाप। गृहं प्रविशन् सः पादत्राणम् अपि बहिः एव अपास्य विनयपूर्वकं प्रविष्टः।
तेन गुरुणा सह तस्य परिवारस्य च सह अर्धघण्टाधिककालम् उपवेश्य बाल्यकाल-स्मृतयः स्मारिताः।
गुरुः जीवनभाई पटेलः अवदत् यत् अमितशाहः विंशतिवर्षात् अधिकेन कालेन प्रथमं तेन सह मिलितः। ते अवदन्— “अमितभाईः बाल्यस्य कथाः स्मारिताः तथा माणसाया विकासम्, विशेषतः मलाव-तालाब् द्रष्टुम् आग्रहः कृतः।”
जीवनभाईः उक्तवान् यत् सः अमितशाहम् प्रथम्यात् सप्तमीकक्षां यावत् शिक्षयत्। प्राचीन-शिक्षण-पद्धतिं स्मरन् अवदत्—
“पूर्वकाले शिक्षका धनलोभं न कुर्युः, ते बालकान् प्राज्ञान् कर्तुं सर्वमनसा अध्यापनं कुर्वन्ति।”
अमितशाहस्य अकस्मात् आगमनात् गुरोः नेत्रयोः हर्षाश्रवः अवतीर्णः। स्थानिक-नागरिकेषु अपि विशेष-उत्साहः दृष्टः। प्रतिगमन-काले अमितशाहेन समीपवर्तिभ्यः जनैः सह सौहार्दपूर्णं संवादम् अपि कृतम्।
गुरोः पुत्रः डॉ. नीलम पटेलः अवदत्— “एतेषु बहुषु वर्षेषु अनन्तरम् अमितशाहं पितरं मिलन्तं दृष्ट्वा पितुः नेत्राभ्यां अश्रूणि निरगच्छन्। अमितभाईः पुरातन-विद्यालय-जीवनम्, कठोर-अनुशासनम्, प्रतिदिनं प्रभाते यथा पितरः परेडं करवयन्ति स्म, सर्वम् स्मारितम्।”
अकस्मात् कृतः एषः दौरो गायत्रीनगरं हर्षेण पूरितम्। गृहम् निर्गच्छन् अमितशाहः जनानां कुशलम् अपृच्छत्, बालकेभ्यः आशीर्वादं दत्तवान् तथा एकस्याः मातुः प्रति अवदत्—
“एतां कन्यां निश्चयेन शिक्षय।
---------------
हिन्दुस्थान समाचार