Enter your Email Address to subscribe to our newsletters
देहरादूनम्, 8 दिसम्बरमासः (हि.स.)। मुख्यमन्त्री पुष्करः सिंहः धामी सोमवासरे गृहरक्षकस्थापनादिवसे गृहरक्षकस्वयंसेवकेभ्यः वेषवृत्तिवृद्धिः अनुमन्यं करिष्यतीति घोषणां कृतवान्। सः अवदत् यत् गृहरक्षकसैनिकाः कठिनपरिस्थितिष्वपि धैर्येण, समर्पणेन, अदम्य-इच्छाशक्त्या च प्रदेशस्य सुरक्षाव्यवस्थां जनसेवां च निर्वहन्ति। राज्यसर्वकार: गृहरक्षकसैनिकानां कल्याणाय उत्थानाय च अनेके महत्त्वपूर्णनिर्णया: स्वीकृताः सन्ति।
सोमवासरे मुख्यमन्त्री धामी ननूर्खेड़ास्थाने आयोजिते गृहरक्षकस्थापनादिवसे रथिकपदयात्रायाः निरीक्षणं कृतवान्। अस्मिन् अवसरे मुख्यमन्त्रिणा गृहरक्षकनागरिकसुरक्षाविभागस्य स्मारिका २०२५ तथा विभागीयपञ्चाङ्गम् २०२६ विमोचितम्। सेवाप्रदानं कृत्वा दिवंगतानां गृहरक्षकसैनिकानां ओर आश्रितेभ्यः परिजनेभ्यः आदेश-धनपत्राणि अपि वितरितानि।
मुख्यमन्त्रिणा अवगतं कृतं यत् गृहरक्षकस्वयंसेवकेभ्यः वेषभत्तम् अनुमन्यं भविष्यति। राज्ये अन्तर्जनपदीयकर्तव्ये अन्तर्जनपदनियोजने नियुक्तानां गृहरक्षकस्वयंसेवकानां भोजनभत्तम् पूर्वं प्रतिदिनं १०० रूप्यकाणि आसीत्, तत् परिवर्त्य प्रतिदिनं १५० रूप्यकाणि क्रियते।नागरिकसुरक्षासङ्घटनस्य स्वयंसेवकानां प्रशिक्षणभत्तम् ५० रूप्यकेभ्यः वर्धयित्वा प्रतिदिनं १४० रूप्यकाणि कृतम्। राज्यसर्वकारेण प्रथमवारं गृहरक्षकसैनिकेभ्यः १२ आकस्मिक-अवकाशाः आकस्मिकविश्रान्तयः प्रदानीयाः इति निर्णयः कृतः।महिलागृहरक्षकस्वयंसेविकाभ्यः प्रसूति-अवकाशस्य सुविधा अपि आरब्धा। यथा आरक्षीकर्मचारिणः तथा राष्ट्रीय-आपदाप्रतिक्रियाबलस्य (NDRF) सैनिकाः, तथैव ९००० पाद-उपरिस्थ-ऊर्ध्वप्रदेशे कर्तव्यं कुर्वन्तः गृहरक्षकस्वयंसेवकाः प्रतिदिनं २०० रूप्यकाणां प्रोत्साहनराशिं प्राप्स्यन्ति इति निर्णयः अपि कृतः।तथा राज्य-आपदाप्रतिक्रियाबलस्य (SDRF) सैनिकैः सह प्रशिक्षिताः गृहरक्षकसैनिकाः अपि प्रतिदिनं १०० रूप्यकाणां प्रोत्साहनराशिं लभन्ते।
मुख्यमन्त्री अवदत् यत् गृहरक्षकसैनिकाः वर्षा, शैत्यम्, उष्णता इत्यादिषु सर्वासु परिस्थितिषु पूर्णनिष्ठया समर्पणेन च स्वकर्तव्यपालनं कुर्वन्ति। यातायातव्यवस्थापनम्, विधिव्यवस्थापरिरक्षणं, कुम्भमेला, कांवड़यात्रा इत्यादिषु विशालधार्मिक-आयोजनेषु सफल-आयोजनाय गृहरक्षकसैनिकाः महत्त्वपूर्णां भूमिकां वहन्ति।चतुर्धामेषु हरिद्वारे स्थापितानि गृहरक्षकसहायकेन्द्राणि देशविदेशात् आगतानां श्रद्धालूनां पर्यटकानां च सर्वथा सहायतां प्रयच्छन्ति। मुख्यमन्त्रिणा उक्तं यत् सैनिकानां साहसं समर्पणं च राज्यसर्वकारः सम्यग्रूपेण सम्मान्यते। राज्यसर्वकार: भविष्येऽपि गृहरक्षकसैनिकानां हितार्थं पूर्णप्रतिबद्धतया कार्यं करिष्यति।
अस्मिन् अवसरे विधायकाः उमेशः शर्मा काऊ, खजानः दासः, सविता कपूरः, देहरादूननगरस्य नगराध्यक्षः सौरभः थपलियालः, ऋषिकेशनगरस्य नगराध्यक्षः शम्भुः पासवानः, कैलाशः पन्तः, मधुः भट्टः, श्यामवीरः सैनी, सचिवः शैलेशः बगोली, राज्य-आरक्षीमहानिदेशकः (DGP) दीपम् सेठः, गृहरक्षकमहानिदेशकः पी.वी.के. प्रसादः तथा अन्ये बहवः गणमान्याः उपस्थिताः आसन्।
हिन्दुस्थान समाचार / Dheeraj Maithani