नवदेहली, ०८ दिसम्बरमासः (हि.स.)। देशस्य प्रथमः चीफ् ऑफ् डिफेन्स् स्टाफ् जनरल् बिपिन् सिंह रावतस्य चतुर्थ्यां पुण्यतिथौ सोमवासरे केन्द्रीयमार्गपरिवहनराजमार्गमन्त्री नितिन् गडकरी-प्रभृतयः अनेकाः प्रमुखनेतारः तं भावपूर्णां श्रद्धाञ्जलिं दत्तवन्तः।

गडकरीमहाशयः अवदत्— “जनरल् रावत् भारतस्य सैन्यशक्तिं सुदृढीकर्तुम् अतीव महत्वपूर्णां भूमिकां निभातवान्।”

उत्तरप्रदेशस्य मुख्यमन्त्री योगी आदित्यनाथः अवदत्— “राष्ट्ररक्षायाम्, सैन्याधुनिकीकरणे, सुरक्षातन्त्रस्य सुदृढीकरणे च तस्य योगदानं अविस्मरणीयम्।”

उत्तराखण्डस्य मुख्यमन्त्री पुष्करसिंहधामि देहरादूनकनकचौकस्थिते उपवने जनरल् रावतस्य प्रतिमायै पुष्पचक्रं समर्पितवान्। सः अवदत्— “जनरल् रावतस्य व्यक्तित्वं साहसस्य, अनुशासनस्य, राष्ट्रभक्तेः च प्रतीकः आसीत्।” तस्मिन् अवसरे द्विनिवेशं मौनं कृत्वा दिवंगतस्य आत्मनः शान्त्यर्थं प्रार्थना कृता। सैनिककल्याणमन्त्री गणेशजोशी, विधायकः खजानदासः, सविताकपूर् च तत्र उपस्थिताः आसन्।

देहलीप्रदेशस्य मुख्यमन्त्री रेखागुप्ता ‘पद्मविभूषण’ जनरल् बिपिन् रावतं पुण्यतिथौ विनम्रां श्रद्धाञ्जलिं दत्वा अवदत् “राष्ट्रस्य सुरक्षासंरचनां आधुनिकतया, सक्षमत्वेन, समन्विततया च निर्माणे तस्य अद्वितीयं योगदानं भारतीयसैन्य-इतिहासे सदैव स्वर्णाक्षरैः लिखितं भविष्यति। जनरल् रावतस्य जीवनं कर्तव्यस्य, अनुशासनस्य, राष्ट्रभक्तेः च अद्वितीयं उदाहरणम्। मातृभूमेः रक्षार्थं तस्य समर्पणं देशस्य प्रत्येकस्य युवानः राष्ट्रसेवाभावनाम् अधिकं सुदृढं करिष्यति।”

छत्तीसगढ़स्य मुख्यमन्त्री विष्णुदेवः साय जनरल् रावतस्य शौर्यम्, दूरदृष्टिम्, राष्ट्रभक्तिं च स्मृत्वा तं प्रणनाव।

हरियाणाप्रदेशस्य मुख्यमन्त्री नायबसिंहसैनी अवदत् “जनरल् रावतस्य शौर्यम्, दूरदृष्टिः, राष्ट्रे प्रति तस्य अटूटं समर्पणं च अद्यापि अस्माकं सेनान्यः प्रेरयति। भारतीयसेनायाः आधुनिकीकरणे, सुरक्षा-आह्वानानां समाधानाय च तेन यत् अमूल्यं योगदानं दत्तम्, तत् राष्ट्रं कदापि न विस्मरिष्यति। उदग्रयानदुर्घटनायां शहीदभूतानां सर्वेषां वीरसपूतानां च प्रति अहं श्रद्धाञ्जलिं समर्पयामि।”

उल्लेखनीयम् यत् ८-दिसम्बर् २०२१ तमे दिवसे तमिलनाडुराज्यस्य कुन्नूरप्रदेशे उदग्रयानदुर्घटनायां जनरल् रावत्, तस्य पत्नी मधुलिकारावत्, अन्ये च ११ सैन्याधिकाऱिणः निधनं प्राप्तवन्तः।

हिन्दुस्थान समाचार / Dheeraj Maithani