पूर्वी सिंहभूमः, 8 दिसंबरमासः (हि.स.)।

भोजपुरी-चित्रपट-नट-सुपरस्टारः तथा आजमगढ़स्य भूतपूर्व-भाजपा-सांसदः दिनेशलालः ‘निरहुआ’ इति ख्यातः अधुना जमशेदपुरे स्वस्य नूतनायाः चलचित्रस्य “मुर्गा ट्रॉफी” इति नाम्नः चित्रीकरणे व्यस्तः अस्ति।

सोमवासरे चित्रीकरण-सन्ध्यां सञ्चारमाध्यमैः सह संवादे सः बिहारविधानसभानिर्वाचनफलानां विषये स्वमतं प्रकटयन् अवदत् यद् “बिहारजनतया यः नीतिनिर्णयः कृतः, स एव श्रेष्ठः। जनाः विकासं सुशासनं च वाञ्छन्ति; तदेव शासनं चुनित्वा स्वसन्देशं प्रदत्तवन्तः।”

निरहुआ इत्यनेन बिहार-नेतृत्वे विश्वासः प्रकटितः।

ते अवदन् यत्“नीतीशकुमारस्य नेतृत्वे बिहारं निरन्तरं विकासमार्गे अग्रे एव गच्छति, जनता च एतां प्रगतिम् अविरतां द्रष्टुम् इच्छति। निर्वाचनफलम् अस्यैव चिन्तनस्य प्रतिफलनम्।”

विपक्षम् उद्दिश्य सः अवदत् यत्

“केचन दलाः विकासस्य मूलविषयात् अपसर्य ईवीएम, मतचौर्य इत्यादिषु व्यर्थविवादेषु लीयन्ते, यदा कि जनता केवलं सुशासनम्, सुरक्षाम्, उत्तमानि सुविधाः च इच्छति।”

तस्य अभिमतम्—प्रधानमन्त्री नरेन्द्र- मोदी-निर्यातिताः योजनाः प्रत्यक्षं जनमानसपर्यन्तं प्राप्ताः, अत एव जनाः भाजपा-दले विश्वासं धारयन्ति।

राजनीतिकसक्रियतायाः प्रश्नसमये निरहुआ अवदत् यत्

“चुनावकालः आगच्छति चेत् अहं पार्टीस्य प्रचारक-रूपेण सर्वदा उपस्थितः भवामि। अतीतेऽपि बिहारचुनावे व्यापकं प्रचारकार्यं कृतवानस्मि।”

खेसारीलालयादवेन सह जातं विख्यातं विवादम् अपृच्छत् चेत् सः अवदत् यत् “निर्वाचनभूमिः भिन्ना भवति। तत्र वाक्यविकारा भवन्ति; किन्तु अधुना जनता स्वनिर्णयं प्रदत्तवती, तस्मात् तैः विवादैः किमपि नास्ति।”

चलच्चित्रस्य विषये सः अवदत् यत् “मुर्गा ट्रॉफी” नामकं चलचित्रं झारखण्डस्य पारम्परिकस्य मुर्गा-युद्ध-क्रिडा विषयं आश्रित्य निर्मितम्।

अयं चलचित्रः प्रायः द्वौ-अर्ध-घण्टायोजनमानः, झारखण्डस्य अनेकस्थानेषु चित्रीकृतः, अन्तिमं तु चित्रीकरणम् जमशेदपुरस्य JRD Sports Complex इत्यत्र प्रवर्तते।

निरहुआ अस्मिन् चलचित्रे एकं युवा-झारखण्डी-पात्रं अभिनटति।

ते दर्शकेभ्यःआह्वानं कृतवन्तः—

“एषा फिल्म् झारखण्डस्य संस्कृत्या परम्परया लोककलया च परिपूर्णा; सर्वे अवश्यं पश्यन्तु।”

चित्रीकरणस्थले निरहुआ-भक्तानां महान् जनसमूहः आगतवान्।

जनाः सेल्फी-ग्रहणाय स्वाक्षरार्थं च अत्यन्तं उत्साहपूर्णाः दृश्यन्ते स्म।

स्थानियनिवासिनः अपि भोजपुरी-नटस्य हार्दिकं स्वागतं कृतवन्तः।

---------------

हिन्दुस्थान समाचार