Enter your Email Address to subscribe to our newsletters
नवदिल्ली, 24 सितंबरमासः (हि.स.)। केंद्रीयमन्त्रिमण्डलेन देशस्य नौकानिर्माणं समुद्रीयपारिस्थितिकी-तन्त्रं च पुनर्जीवयितुं ६९,७२५ कोटि-रूप्यकाणां व्यापकपैकेजः बुधवारदिने अनुमोदितः। प्रधानमंत्रिणो नरेन्द्रमोदिनः अध्यक्षतायां मन्त्रिमण्डलस्य उपवेशने स्य प्रस्तावस्य स्वीकृति प्रदत्ता।
सरकारस्य उद्देशः देशे स्वदेशी-नौकानिर्माण-क्षमतां वर्धयितुम्, दीर्घकालिक-आर्थिकसहाय्यं सुधारयितुम्, शिप्-यार्ड्-विकासं प्रोत्साहयितुम्, तन्त्रज्ञान-कौशलं सुदृढं कर्तुं, समुद्रीय-अवसंरचनां च बलीकृत्य स्थिरीकर्तुं च अस्ति।
उपवेशनानन्तरं सञ्चारप्रसारणमन्त्री अश्विनि वैष्णवः राष्ट्रीय-मीडिया-केंद्रे पत्रकारसम्मेलने अवदत् यत् एषः पैकेजः चतुर्भिः स्तम्भैः आधारितः। तत्र नौकानिर्माण-आर्थिकसहाय्य-योजना (SBFAS) इत्यस्या विस्तारः ३१ मार्च् २०३६ पर्यन्तं कृतः, यस्य कुलराशिः २४,७३६ कोटि-रूप्यकाणि। अस्मिन् योजनायां ४,००१ कोटि-रूप्यकाणि नौका-भङ्गाय ऋण-पत्ररूपेण प्रस्तावितानि। सर्वेषां पहलानां निरीक्षणाय राष्ट्रीय-नौकानिर्माण-मिशनम् अपि स्थाप्यते।
समुद्रीय-विकास-कोषस्य स्थापनाय अपि २५ सहस्र-कोटि-रूप्यकाणां स्वीकृति प्रदत्ता। अस्मिन् केन्द्रसर्कारस्य ४९ प्रतिशत-भागीदारीयुक्तः २० सहस्र-कोटि-रूप्यकाणां समुद्रीय-निवेश-कोषः तथा ५ सहस्र-कोटि-रूप्यकाणां व्याज-प्रोत्साहन-कोषः संलग्नः। अस्य उद्देशः ऋणव्ययस्य न्यूनीकरणं, परियोजनानां बैंकिंग्-क्षमतायाः सुधारश्च।
एतदन्यत्, नौकानिर्माण-विकास-योजनायै अपि १९,९८९ कोटि-रूप्यकाणां स्वीकृतिः दत्ता। अस्य लक्ष्यं स्वदेशीय-नौकानिर्माण-क्षमतां वार्षिकं ४.५ मिलियन-ग्रोस-टन्-पर्यन्तं वर्धयितुम्, महा-नौकानिर्माण-समूहान् सहाययितुम्, अवसंरचनां विस्तारितुम्, भारतीय-समुद्रीय-विश्वविद्यालयस्य अधीनं भारतनौकाप्रौद्योगिकी-केंद्रम् स्थापयितुं, नौकानिर्माण-परियोजनाभ्यः बीमां जोखिम-आवरणं च प्रदातुं च अस्ति।
सर्वकारस्य अनुमानं यत् अस्मात् पैकेजात् ४.५ मिलियन-ग्रोस-टन्-पर्यन्तं नौकानिर्माण-क्षमतायाः वृद्धिः भविष्यति, प्रायः ३० लक्ष-रोजगाराणां सृजनं भविष्यति, भारतस्य समुद्रीयक्षेत्रे ४.५ लक्ष-कोटि-रूप्यकाणां निवेशः आगमिष्यति च।
एतेन सह एषःप्रयत्नो राष्ट्रिय-सुरक्षां, ऊर्जा-धान्य-सुरक्षां च सुदृढां करिष्यति, आपूर्तिशृंखलासु लचीलत्वं करिष्यति, भारतस्य भू-राजनीतिक-रणनीतिक-स्वावलम्बनं च स्थिरीकरिष्यति।
---------------
हिन्दुस्थान समाचार