नव दिल्ली, 27 सितंबरमासः (हि.स.)।

पर्यटनमन्त्रालयेन शनिवासरे विश्वपर्यटनदिवसस्य अवसरात् “पर्यटनं सततपरिवर्तनं च” इत्यस्मिन् विषये विचारगोष्ठी आयोजिता। सुषमा स्वराज भवननाम्नि स्थले उद्योगक्षेत्रस्य, शिक्षाजगतः, नागरकसमाजस्य च प्रतिनिधयः एकत्र समागत्य सांस्कृतिकपरस्परविनिमयं, आर्थिकविकासं, पर्यटनक्षेत्रे सततआचारप्रवर्तनं च विषये भारतस्य दृढप्रतिज्ञां पुनरुक्तवन्तः।

अस्मिन् कार्यक्रमे मुख्यातिथिरूपेण उपस्थितः नीति-आयोगस्य उपाध्यक्षः सुमन-बेरी इत्यख्यः स्वसन्देशे अवदत् — “पर्यटनं केवलं अवकाशविहारस्य साधनं न, किन्तु आर्थिकपरिवर्तनस्य, पर्यावरणसंरक्षणस्य, सामाजिकसमावेशनस्य च बलवत्तरं साधनं भवति। भारतस्य पर्यटनक्षेत्रे अपरिमिता संभावनाः सन्ति, यदा सततविकासरणनीतिः मुख्याधारः भवति। उत्तमा सम्पर्कव्यवस्था (मार्ग, रेल, विमान, जलमार्ग) तथा सार्वजनिक-निजी सहयोगः आवश्यकः अस्ति।”

अस्मिन् अवसरे पर्यटनराज्यमन्त्री सुरेश-गोपी इत्यख्यः अवदत् — “स्वदेशदर्शनं २.०, प्रसादयोजना च यथा कार्यक्रमाः सततपर्यटनं ग्राम्यपर्यटनं च प्रवर्द्धयन्ति।

विमानपत्तनेषु, राजमार्गेषु, रेलमार्गेषु, जलमार्गेषु च निवेशेन यात्रिकेभ्यः निर्बाधयात्रानुभवः उपलब्धः भवति। उड़ान-योजना, लास्ट-माइल सम्पर्कव्यवस्था च पर्यटनस्थलेषु गमनं सुगमं करोति।”

अस्मिन् अवसरे पर्यटनमन्त्रालयेन अनेके सहमति-सन्धयः कृता। भारतीयपर्यटनस्थलान् सिनेमात्मककथानकानां माध्यमेन वैश्विकस्तरे प्रचारयितुं नेफ्लिक्स् इत्यनेन सह करारः कृतः।

अतिथि-फाउण्डेशन प्रमुखाः ऑनलाइन-पर्यटनसंस्थाः च अनुसंधानाय, नवोन्मेषाय, दत्ताधारित-नीतिनिर्माणाय च सहकार्यं कृतवन्तः।

एवमेव 66तमं भारतीयपर्यटनसांख्यिकसङ्कलनं प्रकाशितं, यस्मिन् अन्ताराष्ट्रिय-देशीयं आगमनं, रोजगारसृष्टिः, आर्थिकयोगदानं च विषयेषु अभूतपूर्ववृद्धिः निर्दिष्टा।

अस्मिन् समये “मुद्रा-ऋण-गाइड् फॉर होमस्टे” इत्याख्या पुस्तिका अपि प्रकाशिताभूत्, यत्र जनसमर्थ-पोर्टल् इत्यस्मात् माध्यमेन ऋणप्रार्थनायाः क्रमिकनिर्देशाः दत्ताः।

--

हिन्दुस्थान समाचार