नवदेहली, २९ सितम्बरमासः (हि.स.)। प्रधानमन्त्रिणा नरेन्द्रेमोदिना एशियाकप् २०२५ अन्त्यस्पर्धायां पाकिस्तानम् प्रति भारतस्य विजयः “ऑपरेशनसिन्दूरस्य” परिणामेन तुल्यः इति निर्दिश्य भारतीयक्रिकेटदलाय अभिनन्दनं दत्तम्।

ते अवदन् यत् क्षेत्रे प्रवर्तितस्य भारतस्य अभियानस्य परिणामः स एव जातः – भारतस्य विजयः। स्पर्धां जित्वा प्रधानमन्त्रिणा दलस्य प्रदर्शनस्य प्रशंसा कृता। क्रीडकैः यथा समर्पणेन योजनया च क्रीडितं तत् राष्ट्रवासिनां गौरवं वर्धितम्। एष: विजयः राष्ट्रस्य गौरवस्य क्षणः इति प्रधानमन्त्रिणा निर्दिष्टम्।

प्रधानमन्त्रिणा मोदिना ‘एक्स्’ इत्यस्मिन् लिखितम् – “क्रिकेटक्रीडाक्षेत्रे ‘ऑपरेशनसिन्दूरम्’। परिणामः स एव। अस्माकं क्रिकेटक्रीडकेभ्यः बहु–बहु अभिनन्दनम्।”

एषा टिप्पणी भारतस्य निर्णायकविजयाम् रणनीतिकसफलतां च राष्ट्रीय–गौरवेण सह सम्बद्धयन् प्रतीकात्मकसन्देशः इव मन्यते।

यथार्थतः, पहलगाम–आतङ्कि-आक्रमणानन्तरं भारतीयसेनया “ऑपरेशनसिन्दूरम्” नाम अभियानं प्रवर्त्य पाकिस्तानदेशे आतङ्किस्थानानि विनाशितानि आसन्। प्रधानमन्त्रिणा मोदिना तस्मिन् सन्दर्भे उक्तं यत् क्रिकेटक्रीडायामपि भारतः पाकिस्तानं दारुणं पराजितवान्।

---

हिन्दुस्थान समाचार / अंशु गुप्ता