Enter your Email Address to subscribe to our newsletters
नव दिल्ली, 01 जनवरीमासः (हि.स.)।वर्षे 2026 आगते प्रधानमन्त्रिणा नरेन्द्रमोदिना समुद्रे यात्रां कुर्वतः पारम्परिकनौकायनपोतस्य आईएनएसवी कौण्डिन्यस्य चालकदलाय नूतनवर्षशुभाशंसाः दत्ताः। प्रधानमन्त्रिणा तेषाम् उत्साहः, समर्पणभावना, राष्ट्रसेवाभावनाच प्रशंसिता।
प्रधानमन्त्रिणा मोदिना सोशलमीडिया-मञ्चे “एक्स्” इत्यत्र प्रकाशिते संदेशे उक्तम् यत् आईएनएसवी कौण्डिन्यस्य दलात् प्रेषितां छायाचित्रां दृष्ट्वा तस्मै अतीव प्रसन्नता अभवत्। सः अवदत् यत् विस्तीर्णसमुद्रे वसन्तोऽपि दलस्य उत्साहः सकारात्मकऊर्जा च प्रेरणादायिनी अस्ति। प्रधानमन्त्रिणा नूतनवर्षसंदर्भे दलस्य सुरक्षितं सुखदं सफलं च यात्राजीवनं अभिलषितम्।
आईएनएसवी कौण्डिन्यः पारम्परिकनौकायनपोतः अस्ति, यः प्राचीनभारतीयनौकानां संरचनया प्रेरितः सन्निर्मितः। एषः पोतः भारतस्य समृद्धसमुद्रीविरासतस्य, ऐतिहासिकव्यापारमार्गाणां, सभ्यतागतसमुद्रीसंपर्काणां च प्रतीकः मन्यते।
अस्य पोतस्य यात्राणां उद्देश्यः नौवहनप्रशिक्षणेन सह भारतस्य प्राचीनसमुद्रीपरम्पराणां सांस्कृतिकसम्बन्धानां च प्रकाशनम् अस्ति। नूतनवर्षे प्रधानमन्त्रिणः एषः संदेशः देशात् दूरं समुद्रे नियोजितानां कर्मणां कृते उत्साहवर्द्धनरूपेण दृष्टः भवति।
---------------
हिन्दुस्थान समाचार