पूर्वी–सिंहभूम–जनपदे, १० जनवरीमासः (हि.स.)। वीर–बिरसा–मुंडा–महाभागस्य तथा वीर–सिद्धू–कान्हू–इत्यनयोः स्मृत्यर्थं समर्पितेन झारखण्ड–सांस्कृतिक–कला–रङ्ग–मञ्च इत्यस्य सौजन्येन भुइयांडीह–स्थ दुर्गा–पूजा–क्षेत्रे १४ तः १६ जनवरी–पर्यन्तं त्रिदिवसीयः टुसू–मेला आयोजयिष्यते। अस्मिन्नेव अवसरे विविधाः सांस्कृतिक–कार्यक्रमाः अपि आयोजिताः भविष्यन्ति।अयं कार्यक्रमः १९८० तमे वर्षे स्थापितेन तथा झारखण्ड–राज्य–सर्वकारे निबद्धेन सांस्कृतिक–कला–रङ्ग–मञ्च संस्थया आयोज्यते, यस्य मुख्योद्देश्यं लोक–संस्कृतेः, परम्परायाः तथा सामाजिक–एकतायाः सुदृढीकरणम् अस्ति।शनिवासरे संवाददातॄन् सम्बोधयन् पूर्व–मन्त्री दुलाल–भुइयाम् अवदत् यत् मेलापकस्य उद्घाटनं १४ जनवरी–दिने भविष्यति, यस्मिन् राज्ये क्षेत्रे च अनेके विशिष्ट–अतिथयः भागं ग्रहीष्यन्ति। अस्मिन् कार्यक्रमे झारखण्डस्य पूर्व–मुख्यमन्त्री रघुवर–दासः, जमशेदपुर–लोकसभा–सांसदः विद्युत्–वरण–महतो, तथा जमशेदपुर–नगरस्य विधायिका पूर्णिमा–साहू मुख्य–अतिथिरूपेण उपस्थिताः भविष्यन्ति।एतदतिरिक्तं विविध–सामाजिक–सङ्घटनानाम्, श्रमिक–संघानाम्, आदिवासी–मूलवासी–समाजानां प्रतिनिधयः अपि अस्मिन् आयोजने सहभागीभूताः भविष्यन्ति।त्रिदिनात्मकस्य अस्य मेलापकस्य अवधौ परम्परागताः टुसू–गीताः, नृत्य–प्रस्तुतयः, दुसु–चौड़ल–प्रतियोगिताः, बुढ़ी–गाड़ी–नृत्यम् इत्यादयः अनेके सांस्कृतिक–कार्यक्रमाः आयोजिताः भविष्यन्ति।समापन–समारोहः १६ जनवरी–दिने सायं ५ वादने आयोजितः भविष्यति, यस्मिन् प्रतियोगितानां विजेतृभ्यः नगद–राशिः, साटिका, कम्बलं, प्रावार:, तण्डुलम्, पोल्ट्री–कुक्कुट: तथा अन्ये आकर्षक–पुरस्काराः प्रदीयन्ते। दुसु–चौडल–प्रतियोगितासु महिला–पुरुष–समूहयोः पूर्ण–दल–सहभागिता अनिवार्या भविष्यति।मेलापकस्य अवधौ भुइयांडीह–स्थिते स्वर्णरेखा–नदी–तीरे दुसु–घाटे त्रिदिनं कुक्कुट–युद्ध–प्रतियोगिता अपि आयोजयिष्यते। अस्यां प्रतियोगितायां प्रथम–पुरस्कारात् आरभ्य ४५ तम–पुरस्कार–पर्यन्तं द्विचक्रिका, अजा, मेष:, गोधूमचूर्णं, तण्डुलम्, सर्षप–तेलम्, आलूकम्, पलाण्डु:, कम्बलम्, प्रावार:, साटिका तथा नगद–राशिः इत्यादयः पुरस्काराः निश्चिताः सन्ति।आयोजकैः स्पष्टं कृतं यत् कुक्कुट–युद्ध–प्रतियोगिता पूर्ण–पारदर्शितया, नियम–अनुसारम्, लॉटरी–प्रणाल्या च आयोजिता भविष्यति तथा कस्यापि प्रकारस्य मादक–पदार्थ–प्रयोगः पूर्णतया निषिद्धः भविष्यति।मनोरञ्जनार्थं मेलायां विद्युत्–दोलनम्, ब्रेक–नृत्यम्, मनिहारी–आपणा:, चित्रकर्षण-आपणा:, तथा अन्ये अनेके आकर्षण–कार्यक्रमाः अपि स्थाप्यन्ते, येन बालकात् आरभ्य वृद्ध–पर्यन्तं सर्वे जनाः मेलापकस्य आनन्दं प्राप्तुं शक्नुवन्ति।

हिन्दुस्थान समाचार / अंशु गुप्ता