- लोकपथ 2.0 इति नाम्ना लोकपथ-चलदूरभाष-अनुप्रयोगस्य उन्नत-संस्करणस्य लोकार्पणम्

- मुख्यमन्त्री डॉ. यादवेन राज्यस्तरीया क्षमता-निर्माण-कार्यशाला शुभारम्भिता

भोपालम्, 10 जनवरीमासः (हि.स.) ।मध्यप्रदेशस्य मुख्यमन्त्री डॉ. मोहनयादवः अवदत् यत् अभियन्तॄणां क्षमताम् आधारं कृत्वा वयं प्रधानमन्त्री नरेन्द्रमोदिना दृष्टं 2047-वर्षस्य विकसित-आत्मनिर्भर-भारतस्य स्वप्नम् साकारं कर्तुं प्रयतामहे। लोकनिर्माण-विभागः स्वनामानुसारं लोकः इति जनता, निर्माणम् इति सृजनं च, एतयोः समन्वयेन राज्यस्य जन-जनस्य सेवायाः संकल्पं मूर्तरूपेण साकारयति। प्रधानमन्त्री नरेन्द्रमोदी राजनीतिज्ञः सन् अपि सन्यासिभावेन भारतस्य प्रगतये तथा क्षमता-निर्माणाय निरन्तरं प्रयासं कुर्वन्ति।

मुख्यमन्त्री डॉ. यादवः रविवासरे रवीन्द्र-भवने आयोजिते लोकनिर्माण-विभागस्य नवाचारैः, डिजिटल्-उपक्रमैः तथा अभियन्तॄणां क्षमता-निर्माणे केन्द्रिते राज्यस्तरीय-कार्यक्रमेण सह प्रशिक्षण-सत्रे सम्बोधनं कुर्वन् एतानि उद्गारान् अवदत्।

तेन उक्तं यत् लोकनिर्माण-विभागे विकासकार्याणि नव-उच्चताम् नेतुं पर्याप्ता क्षमता अस्ति। अद्यापि सर्वेषां सुविधा-जीवनोन्नत्यर्थं च निर्माणकार्याणि निरन्तरं प्रवर्तन्ते। मध्यप्रदेशस्य लोकनिर्माण-विभागः नव्या प्रौद्योगिक्या समयस्य च सदुपयोगेन अधोसंरचना-विकासकार्येषु वेगं प्रददाति।

लोकपथ 2.0 इत्यस्य लोकार्पणम्

कार्यक्रम-स्थले मुख्यमन्त्रिणः आगमने जनजातीय-कलाकारैः परम्परागत-वाद्ययन्त्रैः मङ्गलगानैः सह स्वागतं कृतम्। मुख्यमन्त्रिणे अङ्गवस्त्रं, सम्राट् विक्रमादित्यस्य प्रतिमा तथा तुलसी-पादपः समर्प्य अभिवादनं कृतम्। मुख्यमन्त्री डॉ. यादवेन लोकनिर्माण-विभागेन अभियन्तॄणां प्रशिक्षणाय, कौशल-वर्धनाय, आधुनिक-परियोजना-प्रबन्धनाय च विकसितस्य कैपेसिटी बिल्डिंग फ्रेमवर्क 2026 इत्यस्य विमोचनं कृतम्। तदनन्तरं लोकपथ-चलदूरभाष-अनुप्रयोगस्य उन्नत-संस्करणं ‘लोकपथ 2.0’ इत्यस्य लोकार्पणं सम्पन्नम्। एषः अनुप्रयोगः मार्ग-रक्षण-पर्यवेक्षणं, नागरिक-शिकायतानां त्वरित-निवारणम्, मार्ग-योजना, ब्लैक-स्पॉट-सूचना, आपत्कालीन SOS-सुविधा तथा मार्गपार्श्वे उपलब्ध-सुविधानां जानकारी इत्यादि सेवाभिः नागरिकेभ्यः समग्रं, उपयोक्ता-अनुकूलं, आधुनिकं च डिजिटल्-मञ्चं प्रदास्यति।

नवाचारेषु सुदृढ़ात्मकप्रयासेषु च आधारित-पुस्तिकायाः विमोचनम्

मुख्यमन्त्री डॉ. यादवेन लोकनिर्माण-विभागेन गत-द्वयोः वर्षयोः कृतानां नवाचाराणां सुदृढ़ात्मक-प्रयासानां च आधारेण प्रकाशितायाः पुस्तिकायाः अपि विमोचनं कृतम्। अस्यां पुस्तिकायां डिजिटल्-समाधानानि, गुणवत्ता-नियन्त्रणम्, पर्यावरण-संरक्षणम्, नव-निर्माण-प्रौद्योगिकयः तथा आधुनिक-प्रबन्धन-प्रणाल्यः इत्यादीनां सम्यक् प्रस्तुतिर्दृश्यते।

कार्यक्रमे कैपेसिटी बिल्डिंग फ्रेमवर्क, लोकपथ 2.0 एप्, तथा विभागस्य गत-द्विवर्षीय-गतिविधिषु आधारित-लघु-चलचित्राणां प्रदर्शनं कृतम्। प्रबन्धन-विशेषज्ञः डॉ. विक्रान्तसिंहतोमरः अभियन्तॄणां तकनीकी-प्रशिक्षणं, परियोजना-प्रबन्धनम्, वित्तीय-प्रबन्धनम् तथा अनुबन्ध-प्रबन्धनं केन्द्रं कृत्वा फ्रेमवर्क इत्यस्य प्रस्तुतीकरणं कृतवान्। अस्मिन् अवसरे मुख्यमन्त्रिणा विभागीय-कार्याणां प्रशंसा अपि कृता।

अभियन्तॄणां भूमिका अत्यन्तं महत्त्वपूर्णा – मन्त्री सिंहः

लोकनिर्माण-मन्त्री राकेशसिंहः अवदत् यत् लोकनिर्माण-विभागः केवलं मार्ग-सेतु-भवन-निर्माणं न करोति, अपि तु सः प्रदेशस्य गति-दिशा-विकासस्य मेरुदण्डः अस्ति।मुख्यमन्त्री डॉ. यादवस्य नेतृत्वे “लोकनिर्माणात् लोककल्याणम्” इति अवधारणा व्यवहार-भूमौ अवतरिता अस्ति। विभागेन निर्मिताः मार्गाः कृषकान् मण्डीभिः, बालकान् शिक्षया, रोगिणः स्वास्थ्य-सेवाभिः, उद्योगान् निवेश-अवसरेभ्यः सह संयोजयन्ति। अत एव अस्मिन् प्राचीनतम-प्रमुख-विभागे अभियन्तॄणां भूमिका अत्यन्तं महत्त्वपूर्णा भवति।

आगामि-द्वयोः वर्षयोः प्रदेशस्य लोकनिर्माणविभागः देशस्य सर्वाधिक-दक्ष-अभियन्तॄणां भविष्यति समूहः

मन्त्री सिंहः अवदत् यत् कालेन सह परियोजनानां स्वरूपं परिवर्तितम्। नव-प्रौद्योगिकी, नव-निर्माण-सामग्री, नव-विचारैः सह कार्यं कर्तुं अभियन्तॄणां तकनीकी-दक्षता, मानसिक-सामर्थ्यं तथा प्रबन्धन-कौशलम् अत्यावश्यकम्। एतेषाम् उद्देश्याणां पूर्त्यर्थं प्रशिक्षण-कार्यक्रमाः सहयोगी-साधनरूपेण विकसिताः सन्ति। मुख्यमन्त्री डॉ. यादवस्य उपक्रमस्य फलस्वरूपेण विभागे आधुनिक-प्रशिक्षण-एवं-शोध-संस्थानस्य परिकल्पना साकारं भवति। एतेन कार्यकुशलता वर्धिष्यते, समय-संरक्षणं भविष्यति तथा कार्य-जीवन-सन्तुलनं च सुदृढं भविष्यति।

मन्त्री सिंहः लोकपथ 2.0 एप्, लोक-कल्याण-सूचकाङ्कः इत्यादीनाम् उल्लेखं कृत्वा अवदत् यत् विभागस्य एते नवाचाराः अन्यैः राज्यैः अपि अंगीकारयितुं इच्छिताः सन्ति।

प्रधानमन्त्रिणः नरेन्द्रमोदिनः मिशन कर्मयोगी तथा मुख्यमन्त्री डॉ. यादवस्य दूरदर्शी-नेतृत्वे आगामि-द्वयोः वर्षयोः प्रदेशस्य लोकनिर्माण-विभागः देशस्य सर्वाधिक-दक्ष-अभियन्तॄणां समूहः भविष्यति।

अग्रिम त्रयाणां वर्षाणां लक्ष्यस्य विकसितभारत@2047 इत्यस्य च कृते सञ्चालिता गतिविधयः

लोकनिर्माण-विभागस्य प्रमुखसचिवः सुखबीर सिंहः अवदत् यत् मुख्यमन्त्री डॉ. यादवस्य नेतृत्वे प्रदेशः आर्थिक-सामाजिक-धार्मिक-क्षेत्रेषु सन्तुलित-विकास-पथे अग्रसरः अस्ति। राज्य-सर्वकारेण अभ्युदय-मध्यप्रदेश लक्ष्यं कृत्वा सम्पूर्ण-प्रदेशे अधोसंरचना-विकासस्य अनेके महत्वपूर्ण-कार्याणि सञ्चालितानि सन्ति।

अटल प्रगति-पथ विषये मुख्यमन्त्री डॉ. यादवेन त्वरित-निर्णयैः दृढ-प्रतिबद्धता प्रदर्शिता। विभागः आगामि-त्रिवर्ष-लक्ष्याणि तथा विकसितभारत@2047 संकल्पं दृष्ट्वा समय-सीमायां गतिविधीनां सञ्चालनाय प्रतिबद्धः अस्ति।

कार्यक्रमे एम.पी.आर.डी.सी. प्रबन्ध-निदेशकः भरतयादवः, भवन-विकास-निगमस्य प्रबन्ध-निदेशकः सिबि चक्रवर्ती, भास्कराचार्य-संस्थानस्य अजयपटेलः, अभियन्त्रण-क्षेत्रस्य विविध-विशेषज्ञाः तथा 1500-अधिकाः अभियन्तारः उपस्थिताः आसन्।

हिन्दुस्थान समाचार / अंशु गुप्ता