-जगद्गुरोः रामानंदाचार्यस्य 726तमे प्राकट्य महोत्सवे सम्मिलितो मुख्यमंत्री योगी

मुख्यमंत्री योगी बांग्लादेशस्य घटनायां मौनधारिणः प्रति प्रहारः

-वितरकाः कदापि हितैषिणो न भवितुमर्हन्ति, सत्तायां आगते सति राजकता, सनातन धर्मं प्रति प्रहारः आतंकव्याजेन प्रत्येकं व्यक्तिः दह्यते- योगी

-मुख्यमंत्रिणो घोषणा,यस्मिन् स्थले रामानंदाचार्यः प्रकटितः , तत्र स्मारकं मंदिरं च

प्रयागराजः, 10 जनवरीमासः (हि.स)। योगी आदित्यनाथ मुख्यमन्त्रीः शनिवासरे प्रयागराज नगरे आयोजिते माघमेले श्रीमद् जगद्गुरु रामानन्दाचार्यस्य ७२६ तमस्य प्राकट्यमहोत्सवे सहभागं कृतवान्। अस्मिन् अवसरें गोरक्षपीठाधीश्वरः मुख्यमन्त्रीः च योगी आदित्यनाथः सेकुलरिज्म इति नाम्ना समाजं भिनत्ति ये जनाः तेषां तीव्रं प्रतिवचनं कृतवान् तथा विभाजनकारिभ्यः सावधानताम् अपि आवाहयत्।

मुख्यमन्त्रीः अवदत् यत् जाति मत सम्प्रदायादिभिः समाजस्य विभाजनं सर्वनाशस्य कारणं भविष्यति यथा अद्य बांग्लादेशदेशे दृश्यते। तत्र घटमानासु घटनासु केनापि स्वरः न उद्गीर्यते। सेकुलरिज्मस्य नाम्ना व्यवसायं कुर्वन्तः जनाः हिन्दुसमाजं सनातनधर्मं च दुर्बलयितुं प्रयतन्ते, किन्तु बांग्लादेशे दुर्बलहिन्दूनां प्रति घटमानायां हिंसायां मौनं धारयन्ति। एतत् अस्माकं कृते चेतावनी अस्ति।

सः स्पष्टं उक्तवान् यत् ये जनाः समाजं विभजन्ति ते कदापि हितैषिणः न भवन्ति। अवसरं लब्ध्वा ते पुनः अराजकतां धर्मनिन्दां च प्रसारयिष्यन्ति। अतः अस्य पुनरावृत्तिं वयं न अनुमोदनीयामः। द्वि इंजिन सरकारः सनातनधर्मस्य रक्षणे सदा सज्जा अस्ति। समाजं दुर्बलयन्तः जनाः कदापि पल्लवितुं न दातव्याः। एतेन संकल्पेन अग्रे गच्छेम चेत् आगामि कालः सनातनधर्मस्य एव भविष्यति।

मुख्यमन्त्री अवदत् यत् प्रयागराजस्य पावना धरा महर्षि भारद्वाज वाल्मीकि आदिभिः तपसाधनाभिः सनातनधर्मस्य केन्द्ररूपेण विकासिता। अस्यां त्रिवेण्याः पावनायां धरायां ७२६ वर्षपूर्वं भक्ति शिरोमणिः भगवान् रामानन्दाचार्यः प्रकटितः। गङ्गा यमुना सरस्वती संगमे देशविदेशेभ्यः श्रद्धालवः स्नानार्थं आगच्छन्ति। अत्र धर्मः न्यायः ज्ञानं च एकत्र विराजते।

मुख्यमन्त्रीः अवदत् यत् दारागञ्जे यस्मिन् स्थले रामानन्दाचार्यः प्रकटितः तत्र स्मारकं मन्दिरं च निर्मीयताम् इति, तस्मिन् कार्ये सरकारः पूर्णसहयोगं करिष्यति। रामानन्दाचार्यः बिभिन्नजातीयैः द्वादशशिष्यैः समाजस्य ऐक्यं स्थापितवान् तथा मत सम्प्रदायाधारेण विभाजनं न करणीयम् इति उपदिष्टवान्।

सः अवदत् यत् महापुरुषः ईश्वरीयगुणैः सम्पन्नः स्वार्थात् परमार्थं प्रति चिन्तयति। रामानन्दाचार्यः बिभक्तसमाजं संयोजयितुं जीवनं समर्पितवान्। सन्तः समाजसंयोजनाय सर्वां युक्तिं प्रयुञ्जते। अयोध्यायां भव्यराममन्दिरनिर्माणं सन्तानां एकतायाः फलम् अस्ति, यत् नरेन्द्र मोदी इति प्रधानमन्त्रिणा मूर्तरूपेण स्थापितम्।

मुख्यमन्त्रीः प्रातः त्रिवेणीस्नानं कृत्वा मातृगङ्गा यमुना सरस्वतीभ्यः कृतज्ञतां प्रकटितवान्। सः अवदत् यत् पौषपूर्णिमायां एकत्रिंशत् लक्षाः श्रद्धालवः आगताः, गतपञ्चषट् दिनेषु एककोटिः श्रद्धालवः संगमे स्नानं कृतवन्तः। एतत् सनातनधर्मस्य जीवितस्य च प्रमाणम् अस्ति।

अस्मिन् महोत्सवे बहवः मन्त्रीणः विधायकाः पूर्वसांसदाः सन्तश्च विभिन्नसम्प्रदायात् उपस्थिताः आसन्, ये सर्वे सनातनधर्मस्य एकतां घोषयन्ति स्म।

हिन्दुस्थान समाचार