Enter your Email Address to subscribe to our newsletters
गुवाहाटी, 10 जनवरीमासः (हि.स.)।
एक-लक्षस्य शासकीय-नियुक्तीनां सङ्ख्यां अतिक्रम्य असम-शासनं अधुना अभिलेख-स्तरीय-नियुक्तीनां दिशायां अग्रसरं भवति। अस्मिन् एव क्रमणि अद्य गुवाहाटी-नगरे सरुसजाई-स्थिते अर्जुन-भोगेश्वर-बरुवा-क्रीडा-परिसरे आयोजिते एकस्मिन् समारोहे असम-प्रत्यक्ष-नियुक्ति-परीक्षायां सफलानां ६,३४७ तृतीय-श्रेणी-अभ्यर्थिनां नियुक्ति-पत्राणि मुख्यमन्त्री डॉ. हिमन्त-बिस्व-शर्मा औपचारिकतया वितरिष्यति।
तृतीय-श्रेण्याः अतिरिक्तं, आगामि १२ जनवरी-दिने गुवाहाटी-चिकित्सा-महाविद्यालयस्य चिकित्सालयस्य च सभागारे अन्यः कार्यक्रमः आयोजितः भविष्यति, यस्मिन् एडीआर-माध्यमेन उत्तीर्णानां चाय-जनजाति-समुदायस्य २९२ अभ्यर्थिनां नियुक्ति-पत्राणि प्रदीयन्ते।
उल्लेखनीयं यत् अस्य नियुक्ति-प्रक्रियायाः पूर्णतया समापनानन्तरं राज्ये नव-नियुक्त-शासकीय-कर्मचारिणां कुल-सङ्ख्या १,५६,६७७ इति भविष्यति, या राज्यस्य कृते एका महत्त्वपूर्णा उपलब्धिः इति मन्यते।
अतः पूर्वं शुक्रवार-दिने गुवाहाटी-नगरे खानापारा-स्थिते नव-निर्मिते ज्योति–बिष्णु-अन्तरराष्ट्रीय-कला-मन्दिरे ४,३७४ चतुर्थ-श्रेणी-अभ्यर्थिनां मध्ये नियुक्ति-पत्राणि वितरितानि। तस्मिन् कार्यक्रमे उपस्थितः मुख्यमन्त्री डॉ. हिमन्त-बिस्व-शर्मा नवनियुक्त-कर्मचारिणः हार्दिकतया अभिनन्दितवान्।
हिन्दुस्थान समाचार