नवदिल्ली, १० जनवरीमासः (हि.स.)।केन्द्रीय–मार्ग–परिवहन–राजमार्ग–राज्यमन्त्री श्रीहर्ष–मल्होत्रा शनिवासरे उक्तवान् यत् भारतस्य यूनां भूमिका राष्ट्र–निर्माणे निर्णायिका अस्ति, तथा २०४७ तमे वर्षे विकसित–भारत–लक्ष्य–साधने तेषाम् ऊर्जा, नेतृत्वं च सर्वाधिकं बलम् अस्ति।विकसित–भारत–युवा–संवादे भागं गृह्णतां यून: सम्बोधयन् श्रीमल्होत्रा तान् सर्वान् यून: प्रशंसितवान् ये समाज–उत्थाने, सामाजिक–विषयेषु स्वर–उत्थापने, विकास–प्राथमिकतानां प्रवर्धने तथा सकारात्मक–परिवर्तनस्य निर्माणे सक्रियाः सन्ति। सः अवदत् यत् अयं संवादः केवलम् उत्सव–मञ्चः नास्ति, अपि तु रचनात्मक–मञ्चः अस्ति, यत्र युवा राष्ट्रीय–नीतिनां तथा प्राथमिकतानां निर्माणे सार्थकं योगदानं दातुं शक्नुवन्ति।श्रीमल्होत्रा अवदत् यत् एष: प्रयत्न: प्रधानमन्त्री श्रीनरेन्द्र–मोदिन: यूनां परिवर्तनकारी–शक्तौ दृढ–विश्वासं दर्शयति। प्रधानमन्त्रिणा पुनः पुनः उक्तं यत् अमृतकाले भारतस्य भविष्यं यूनां हस्ते एव भविष्यति। एकलक्षाः तादृशाः युवानः, येषां कुटुम्बेषु राजनैतिक–पृष्ठभूमिः नास्ति, सार्वजनिक–जीवने प्रवेशं कुर्वन्तु, येन लोकतन्त्रम् अधिकं सुदृढं भवेत्।स: अवदत् यत् “विकसित–भारतं २०४७” इति महत्वाकाङ्क्षी, समावेशिनी च दृष्टिः अस्ति, यस्याम् आर्थिक–समृद्धिः, सामाजिक–प्रगति:, पर्यावरणीय–स्थिरता तथा सुशासनं समाविष्टानि सन्ति। युवान:, दरिद्राः, महिलाः तथा कृषकाः अस्याः दृष्टेः मेरुदण्डत्वेन सन्ति।श्रीमल्होत्रा अवदत् यत् विश्वस्य प्रायः २० प्रतिशतं युवाजनसंख्या भारतदेशे निवसति। एतत् भारताय आर्थिक–विकासे, नवाचार–क्षेत्रे तथा सामाजिक–परिवर्तने अभूतपूर्वं सामर्थ्यं ददाति। यूनां गुणवत्तापूर्ण–शिक्षया, कौशल–विकासेन, रोजगार–अवसरैः च सशक्तीकरणं राष्ट्रीय–प्राथमिकता अस्ति।रोजगार–मेला, पीएम–विश्वकर्मा–योजना, आई.टी.आई.–उन्नयनम्, रोजगार–संबद्ध–प्रोत्साहन–योजना तथा प्रधानमन्त्री–विकसित–भारत–रोजगार–योजना इत्यादयः प्रयत्ना: यूनाम् आकाङ्क्षाः अवसरैः सह संयोजयन्ति। गत–अर्ध–द्विवर्षे सर्वकारेण प्रायः एकादशलक्षाणि स्थायी–रोजगार–अवसराः प्रदत्ताः सन्ति।सब: अवदत् यत् भारतदेशे अधुना द्विलक्षाधिकाः स्टार्ट–अप–संस्थाः सन्ति, येन भारतं विश्वे तृतीयं महत्तमं स्टार्ट–अप–परिस्थितितन्त्र–केन्द्रं जातम् अस्ति। एते स्टार्ट–अप–संस्थाः विंशलक्षाधिकानि रोजगार–अवसराणि सृष्टवन्तः, तथा कृत्रिम–बुद्धिमत्ता, जैव–प्रौद्योगिकी, वित्त–प्रौद्योगिकी तथा हरित–ऊर्जा–क्षेत्रेषु नवाचारं प्रवर्धितवन्तः।केन्द्रीय–मन्त्री श्रीमल्होत्रा अवदत् यत् २०१६–१७ तः २०२२–२३ पर्यन्तं रोजगार–वृद्धिः ३६ प्रतिशतं अभवत्। चतुर्भिः श्रम–संहिताभिः महत्त्वपूर्णानि श्रम–संशोधनानि कार्यान्वितानि, तथा सामाजिक–सुरक्षा–आवरणं ६४.३ प्रतिशतं वर्धितम्, येन भारतं विश्व–स्तरे द्वितीय–स्थानं प्राप्तवान्। २०१७–१८ तः २०२३–२४ पर्यन्तम् आहत्य–रोजगारः ४७.५ कोटिभ्यः वर्धित्वा ६४.३३ कोटि: अभवत्।सब: अवदत् यत् विकसित–भारत–युवा–संवादः अधुना एकं राष्ट्रीय–आन्दोलनं जात: अस्ति, यः यूनां शासन–प्रक्रियाभि: तथा नीति–चर्चाभि: सह संयोजनं करोति। प्रधानमन्त्रिण: जन–सहभागिता–दृष्टेः अनुरूपम् एष: प्रयत्न: यून: विचार–प्रस्तावे, समाधान–निर्माणे तथा भारतस्य विकास–यात्रायाः उत्तरदायित्व–ग्रहणे प्रोत्साहयति।

हिन्दुस्थान समाचार / अंशु गुप्ता