Enter your Email Address to subscribe to our newsletters
प्रयागराजः, 10 जनवरीमासः (हि.स.)। अखिलभारतीयविद्यार्थिपरिषदः प्रयागराजे माघमेलायाः शिविरस्य उद्घाटनं शनिवासरे वैदिकमन्त्राणां उच्चारणेन तथा विधिवत् पूजाऽर्चनया सह कृतम्। अस्मिन् अवसरे मुख्यतया अखिलभारतीयविद्यार्थिपरिषदः राष्ट्रियसंगठनमन्त्री आशीषचौहानः उपस्थितः आसीत्।
अभाविपस्य राष्ट्रियसंगठनमन्त्री आशीषचौहानः विविधैः आयामैः, प्रकल्पैः, क्रियाकलापैश्च आयोजितस्य कार्यक्रमस्य तथा आगामिनाम् इण्टर्नशिप्-कार्यक्रमाणां कृते शुभाशयाः प्रेषयन् अवदत्—“भारतस्य पञ्चसप्ततिवर्षात्मकायां लोकतान्त्रिकयात्रायाम् अभाविपसदृशः छात्रसंगठनः केवलं पाश्चात्यपरिभाषाभिः निर्मिताभ्यां ‘न्यूट्रल्’ अथवा ‘सेकुलर्’ इति अवधारणाभ्यां सीमितः न भवितुं शक्नोति। भारतस्य संस्कृति-दर्शनयोः बोधः यूरोपीय ‘रिलिजन’ इत्यस्य संकीर्णपरिभाषया कर्तुं न शक्यते।”
सः अपि अवदत् यत् विदेशीआक्रमणैः तथा मैकाले-पद्धत्या अस्माकं भाषा-ज्ञान-संस्कृतिषु गम्भीराः आघाताः कृताः, येन भारतीयसमाजे स्वमूल्येषु हीनभावना जाता। भारतीयदर्शनं साकार-निराकारयोः समन्वयेन चराचरजगति ईश्वरस्य अनुभूतिं जनयति, एषः एव भावः अस्माकं सामाजिकचेतनायाः, संवेदनायाः तथा सेवापरम्परायाः मूलाधारः अस्ति। आगामिदिनेभ्यः माघमेलाकाले अभाविपस्य विविधानां आयामानां, कार्याणां, क्रियाकलापानां च विषये इण्टर्नशिप्-कार्यक्रमाः आयोजिताः भविष्यन्ति।
अभाविपस्य काशीप्रान्तस्य मीडिया-संयोजकः देवेशपाण्डेयः अवदत् यत् माघमेला-शिविरस्य उद्घाटनानन्तरं विकासार्थविद्यार्थी-सेवार्थविद्यार्थी-इण्टर्नशिप्-कार्यक्रमस्य अन्तर्गतं हुडी-पोस्टरयोः विमोचनं कृतम्। तथा च चिकित्साविद्यार्थिभिः सञ्चालितस्य चिकित्सीयसेवाकार्यक्रमस्यापि घोषणा कृता।
अभाविपप्रयागमहानगरद्वारा प्रतिवर्षं संगमपरिक्षेत्रे विद्यार्थिनां कृते विविधाः इण्टर्नशिप्-कार्यक्रमाः आयोज्यन्ते, येषु देशस्य सर्वेभ्यः भागेभ्यः आगताः विद्यार्थिनः प्रयागराजं आगत्य पर्यावरण-सेवा-समाजसम्बद्धविषयेषु कार्यं कुर्वन्ति। अस्मिन् वर्षे अभाविप-माघमेलायां पर्यावरणसंरक्षणाय तथा माघमेलायाः स्वच्छतां सुनिश्चितुं विकासार्थविद्यार्थी, सेवाकार्यार्थं सेवार्थविद्यार्थी, चिकित्सीयोपचारसेवायै मेडिविजन, जिज्ञासा इत्यादिभिः आयामैः क्रियाकलापैश्च विविधाः इण्टर्नशिप्-कार्यक्रमाः आयोजिताः भविष्यन्ति।
अस्मिन् अवसरे विकासार्थविद्यार्थिनां अखिलभारतीयप्रमुखः राहुलगौडः, पूर्वीउत्तरप्रदेशक्षेत्रीयसंगठनमन्त्री घनश्यामशाही, काशीप्रान्तोपाध्यक्षः प्रो. आभात्रिपाठी, काशीप्रान्तमन्त्री शिवमसिंहः, प्रान्तसह-मन्त्री निवेदिता, प्रान्तविकासार्थविद्यार्थीप्रमुखसहायकः आचार्यप्रमोदः, प्रान्तसंगठनमन्त्री अभिलाषः, तथा प्रान्तविकासार्थविद्यार्थीसंयोजकः सुशीलः इत्यादयः बहवः पदाधिकारिणः उपस्थिताः आसन्।
---------------
हिन्दुस्थान समाचार