पूर्वी सिंहभूमः, 10 जनवरीमासः (हि.स.)।

भारतीयजनतापक्षस्य (भाजपा) जमशेदपुरमहानगरैकायाः शनिवासरे नूतनं नेतृत्वं प्राप्तम्। साकचीस्थे भाजपा जिलाकार्यालये संजीवसिन्हा इत्यस्य नाम औपचारिकतया जमशेदपुरमहानगरस्य नवनिर्वाचितजिलाध्यक्षरूपेण घोषितम्। जिलानिर्वाचनाधिकारीः सह प्रदेशमहामन्त्री मनोजसिंहः तथा निर्वाचनपर्यवेक्षकः सह पूर्वविधायकः बिरंचीनारायणः संयुक्तरूपेण एतां घोषणां कृतवन्तौ।

घोषणावसरे जिलाकार्यालयस्य प्राङ्गणं भाजपाध्वजैः अलंकृतम् आसीत्, विशेषमञ्चस्य निर्माणं च कृतम्। यदा संजीवसिन्हस्य नाम घोषितं तदा तत्र उपस्थितेषु कार्यकर्तृषु महान् हर्षोल्लासः अभवत्। विविधमण्डलेभ्यः आगतैः कार्यकर्तृभिः वरिष्ठनेतृभिश्च नवनिर्वाचितजिलाध्यक्षस्य पुष्पमालाभिः अङ्गवस्त्रैः गुलदस्तैश्च भव्यं अभिनन्दनं कृतम्। ढोलवादनस्य निनादैः घोषवाक्यैः लड्डुवितरणेन आतिशबाज्या च सह कार्यकर्तृभिः स्वनवजिलाध्यक्षे प्रति उत्साहः विश्वासश्च प्रकटितः।

अस्मिन् एव अवसरे प्रदेशपरिषद्सदस्यत्वेन पूर्वसांसदः आभामहतो, पूर्वविधायिका मेनकासरदार, प्रदेशमन्त्री नन्दजीप्रसाद, पूर्वजिलाध्यक्षः बिनोदसिंहः, प्रदेशकार्यसमितिसदस्यः मनोजसिंहः तथा किसानमोर्चायाः जिलाध्यक्षः मुचिरामबाउरी इत्येषां नामान्यपि घोषितानि।

कार्यक्रमं सम्बोधयन् नवनिर्वाचितजिलाध्यक्षः संजीवसिन्हा पक्षस्य शीर्षनेतृत्वे प्रति कृतज्ञतां प्रकटितवान्। सः अवदत् यत् भारतीयजनतापक्षे पदं न दीयते, अपि तु दायित्वं समर्प्यते। पक्षनेतृत्वेन यत् उत्तरदायित्वं तस्मै समर्पितं, तत् सः पूर्णनिष्ठया दायित्वपूर्णेन समर्पणेन च निर्वक्ष्यति इति।

संजीवसिन्हस्य राजनैतिकजीवनयात्रा संवत्सरे 1994 तमे आरब्धा, यदा सः भारतीयजनतापक्षस्य सक्रियसदस्यः अभवत्। सः संगठनस्य विविधदायित्वानि वहन् मण्डलस्तरात् प्रदेशस्तरपर्यन्तं महत्वपूर्णाः जिम्मेदार्यः निभृतवान्। सोनारीमण्डले स्थानीयसमितेः अध्यक्षः, मण्डलमन्त्री, मण्डलोपाध्यक्षः तथा द्वौ कार्यकालौ मण्डलाध्यक्षः इति रूपेण कार्यं कृत्वा, लोकसभानिर्वाचनयोः विधानसभानिर्वाचनयोश्च संयोजकः कार्यक्रमप्रभारी च भूत्वा महत्त्वपूर्णां भूमिकां निर्वहृतवान्। प्रदेशमाध्यमसम्पर्कविभागस्य सहसंयोजकः तथा जमशेदपुरमहानगरस्य जिलोपाध्यक्षः इति रूपेण अपि तस्य संगठनात्मकानुभवः विस्तृतः अस्ति।

जिलाकार्यालये आयोजिते अस्मिन् कार्यक्रमे पूर्वजिलाध्यक्षाः, प्रदेशजिलास्तरीयाः पदाधिकारीणः, विविधमोर्चाणां अध्यक्षाः, मण्डलाध्यक्षाः तथा सहस्रसंख्यकाः भाजपाकार्यकर्तारः उपस्थिताः आसन्।

---------------

हिन्दुस्थान समाचार