नवदिल्ली, १० जनवरीमासः (हि.स.)।उच्चतम–न्यायालये शनिवासरे अपि आवारा–श्वान–सम्बद्धं प्रकरणं विषयीकृत्य चर्चा अभवत्। न्यायमूर्तेः विक्रम–नाथस्य अध्यक्षतायुक्तायां पीठिकायां वरिष्ठ–अधिवक्ता तथा पशु–अधिकार–कार्यकर्त्री महालक्ष्मी–पावनी अवदत् यत् केचन जनाः श्वान–पालन–कर्त्रीणां स्त्रीणां विषये अपमानजनकानि वक्तव्यानि कुर्वन्ति। अस्य प्रकरणस्य अग्रीमा चर्चा १३ जनवरीमासे भविष्यति।

श्रवण–काले पावनी महती–प्रमाणे अवैध–प्रजननस्य तथा विदेशीय–श्वानानाम् अवैध–आयातस्य विषयम् अवेदयत्। सा अवदत् यत् पिट–बुल तथा हस्की जातीयाः श्वानाः मार्गेषु परित्यज्यन्ते। तदा न्यायालयः अवदत् यत् एतत् प्रकरणं आवारा–श्वान–समस्यया न सम्बद्धम् अस्ति, अतः कृपया तेषु विषयेषु एव ध्यानं दातव्यं येषां समाधानं न्यायालयः करोति। न्यायालयः अपि अवदत् यत् विधौ उपलब्धानाम् उपायानां पालनं करणीयम्।

श्रवण–काले वरिष्ठ–अधिवक्ता अभिषेक–मनु–सिंघवी न्यायालयं प्रति अस्मिन् प्रकरणे हस्तक्षेपं न कर्तुम् प्रार्थनां कृतवान्। सः अवदत् यत् विधयः नियमाश्च पूर्वमेव सन्ति, अतः न्यायालयेन हस्तक्षेपस्य आवश्यकता नास्ति। सिंघवी अवदत् यत् यदि संसद: ज्ञात्वा हस्तक्षेपं न करोति, तर्हि न्यायालयेनापि अस्मिन् विषये प्रवेशः न करणीयः।

उच्चतम–न्यायालयः ८ जनवरीमासे अपि अवदत् यत् श्वानाः मानवस्य भय–भावनाम् अनुभवन्ति। यदा ते अनुभवन्ति यत् समक्षस्थितः जनः भयभीतः अस्ति, तदा ते तस्मिन् आक्रमणं कुर्वन्ति।

हिन्दुस्थान समाचार / अंशु गुप्ता