Enter your Email Address to subscribe to our newsletters
मुरादाबादम्, 10 जनवरीमासः (हि.स.)।यत्र यत्र अतिक्रमणनिवारणकार्यवाही सर्वत्र समानरूपेण भवति, तत्र जनाः धैर्यं धारयन्ति। किन्तु यदा धार्मिकस्थानानां समीपे कार्यवाही क्रियते, तदा तेषां स्थानानां प्रति जनानां भावनासम्बन्धः सन्निहितः अस्ति, अतः तस्य विरोधः स्वाभाविकः भवति। एताः वाणीः समाजवादीपक्षस्य संसदीयदलस्य पूर्वनेता पूर्वसांसदः च डा. एस्.टी. हसनः शनिवासरे माध्यमान् (मीडिया) सम्बोधयन् अवदत्।
डा. एस्.टी. हसनः अवदत् यत् यदि कुत्रापि अवैधं अतिक्रमणं अस्ति तर्हि तत्र कार्यवाही अवश्यं भवितव्या, किन्तु ये अधिकारीणः तेषां उपस्थितौ दिल्लीस्थायां कार्यवाही जाता, तेषामपि विरुद्धं कार्यवाही कर्तव्या। तेन हिंसां प्रेरयन्ति ये जनाः, तेषां विरुद्धं कठोरकार्यवाही करणीयेति अपि मागं कृतवान्।
सः अवदत् यत् दिल्लीस्थे तुर्कमान्-गेट्-प्रदेशे स्थितं फैजे-इलाही-मस्जिदं शतवर्षाधिकपुरातनं अस्ति, तथापि अतिक्रमणस्य नाम्ना नगरपालिकायाः (एम्.सी.डी.) अतिक्रमणविरोधी कार्यवाही बलात् कृता। एतादृशे परिस्थितौ जनाः कियन्तं कालं मौनं धारयिष्यन्ति इति प्रश्नः स्वाभाविकः भवति।
हिन्दुस्थान समाचार