चित्रकूटनगरम्, ११ जनवरीमासः (हि.स.)। उत्तर–प्रदेशस्य चित्रकूट–जनपदस्य भ्रमणार्थम् आगतः योगी–सर्वकारस्य श्रम–सेवायोजन–राज्यमन्त्री मनोहर–लाल–कोरी अद्य पत्रकार–वार्तायां मोदी–सर्वकारस्य महत्त्वाकाङ्क्षिणः विकसित–भारत–‘जी–राम–जी–अधिनियमस्य’ विशेषतान् वर्णितवान्। सः अवदत् यत् विकसित–भारत–‘जी–राम–जी–अधिनियमः’ ग्रामीण–क्षेत्रान् आधुनिकान्, समृद्धान्, सुखसम्पन्नान् च कर्तुं महत्त्वपूर्णं पादम् अस्ति।राज्यमन्त्री मनोहर–लाल–कोरी अवदत् यत् मोदीसर्वकारेण अस्य अधिनियमस्य अन्तर्गतं ग्रामीण–परिवाराणां कृते रोजगार–निश्चितता १०० दिनात् वर्धयित्वा १२५ दिनपर्यन्तं कृता अस्ति। अधुना कार्ययाचनायां कार्यं न लभ्यमानं चेत् स्वयमेव बेरोजगारी–भत्ता दास्यते, येन रोजगारस्य अधिकारः वास्तविकः वैधानिकः अधिकारः अभवत्। सः अपि अवदत् यत् पारितोषिकप्रदाने विलम्बे सति प्रत्येकं विलम्बित–दिनस्य प्रतिकार–भत्ता दास्यते।ग्राम–स्तरे कार्य–योजनाः ग्रामसभायां निश्चिताः भविष्यन्ति। चतुर्षु प्रमुखेषु वर्गेषु—जल–सुरक्षा–संरक्षणे, ग्रामीण–अवसंरचनायाम्, आजीविका–संवर्धने, जलवायु–परिवर्तन–निवारणे च—सम्बद्धेषु कार्येषु कार्यान्वयनं भविष्यति।सः सूचितवान् यत् भ्रष्टाचार–निवारणाय योजनायां बायोमेट्रिक–उपस्थिति–व्यवस्था एआइ–आधारित–निरीक्षण–प्रणाली च स्थाप्यते, येन पारदर्शिता सुनिश्चितीभविष्यति। कृषिकार्येषु बीजरोपण–छेदन–कालस्य ६० दिनेषु योजनायाः कार्याणि न करिष्यन्ते, येन कृषिकार्याणि न बाध्यन्ते।नूतने अधिनियमे प्रशासनिक–व्यय–सीमा ६ प्रतिशततः वर्धयित्वा ९ प्रतिशतं कृता अस्ति, येन कर्मचारिणां सेवाः अधिकं सुदृढाः भविष्यन्ति। सः स्पष्टतया अवदत् यत् वर्तमानकाले प्रचलन्ति मनरेगा–कार्याणि सुरक्षितानि सन्ति, नूतन–अधिनियमस्य प्रवर्तनानन्तरं विकास–कार्याणि अधिकवेगेन अग्रे गमिष्यन्ति।अस्मिन् अवसरे भारतीय–जनता–दलस्य जिलाध्यक्षः महेन्द्र–कोटार्यः, जिला–पञ्चायत–अध्यक्षः अशोक–जाटवः, जनपद–सहकारी–बैंक–अध्यक्षः पङ्कज–अग्रवालः, पूर्व–विधायकः आनन्द–शुक्लः, भाजपा–महामन्त्री आलोक–कुमार–पाण्डेयः, अश्वनी–अवस्थी च सहितं अनेके भाजपाई–नेतारः, स्वदल–निषाद–दलयोः जिलाध्यक्षाः च उपस्थिताः आसन्।

हिन्दुस्थान समाचार / अंशु गुप्ता