Enter your Email Address to subscribe to our newsletters
भागलपुरम्, 12 जनवरीमासः (हि.स.)।
आनन्दरामढांढनियान् सरस्वतीविद्यामन्दिरे भागलपुरे सोमवासरे स्वामिविवेकानन्दजयंती सह राष्ट्रिययुवादिवसस्य समारोहः हर्षोल्लासपूर्णे गरिमामये च वातावरणे सम्यक् सम्पन्नः।
कार्यक्रमस्य शुभारम्भः विद्यालयस्य प्रधानाचार्येण सुमन्तकुमारेण, उपप्रधानाचार्येण अशोककुमारमिश्रेण, कार्यक्रमप्रमुखया श्वेताझया च संयुक्तरूपेण दीपप्रज्वलनं कृत्वा पुष्पार्पणेन च कृतः।
अस्मिन् अवसरे एकादशकक्षायाः भैया तेजसराजः, कुमारशौर्यः तथा आचार्यः शैलेन्द्रकुमारतिवारी स्वामीविवेकानन्दजयंतेः महत्त्वं प्रकाशयन्तः तस्य जीवनसम्बद्धानां अनेकानां प्रेरकप्रसङ्गानां विस्तरेण विवेचनं कृतवन्तः। तैः कथितं यत् स्वामीविवेकानन्दस्य सम्पूर्णं जीवनं युवानां कृते प्रेरणास्रोतः अस्ति, तस्य विचाराः अद्यापि समानेनैव प्रकारेण प्रासङ्गिकाः सन्ति।
कार्यक्रमे ममताझया प्रस्तुतं स्वामीविवेकानन्दजयंतीविषयकं गीतं—यस्य ओजस्विभिः वचोभिः विश्वगगनं प्रतिध्वनितमिव आसीत्—सर्वान् श्रोतॄन् भावविभोरान् कृत्वा कार्यक्रमस्य सार्थकतां पूर्णतया सिद्धं कृतवती।
प्रधानाचार्यः सुमन्तकुमारः स्वसम्बोधने अवदत् यत् स्वामीविवेकानन्दजयंतीदिने अस्माभिः सर्वैः तस्य जीवनात् आदर्शेभ्यः च प्रेरणा ग्रहीतव्या। स्वामीविवेकानन्दः युवान् प्रति आत्मविश्वासेन, साहसेन, सेवाभावेन च जीवनं यापयितुं सन्देशं दत्तवान्। सः विद्यार्थिनः आह्वानं कृतवान् यत् ते स्वामीजीस्य आदर्शान् स्वीकृत्य राष्ट्रनिर्माणे सक्रियां भूमिकां निर्वहन्तु।
उपप्रधानाचार्यः अशोककुमारमिश्रः अवदत् यत् स्वामीविवेकानन्दः केवलं सन्तः न आसीत्, अपि तु युगद्रष्टा महान् विचारकः आसीत्। तस्य विचारेषु युवानां उन्नयनाय अपरिमिता शक्तिः निहिता अस्ति। यदि विद्यार्थी तेन निर्दिष्टेन मार्गेण चरन्ति, तर्हि ते न केवलं स्वजीवनं सफलं कर्तुं शक्नुवन्ति, अपि तु समाजं राष्ट्रं च नूतनां दिशां दातुं समर्थाः भविष्यन्ति।
मञ्चसञ्चालनं श्वेताझया कृतम्। अस्मिन् अवसरे मीडियाप्रभारी भीष्ममोहनझा, तरुणवर्गस्य किशोरवर्गस्य च भैया बहिन्यः, आचार्याः दीदीजनाश्च उपस्थिताः आसन्।
---------------
हिन्दुस्थान समाचार