कोलकाता, 12 जनवरीमासः (हि.स.)। पश्चिमबङ्गालराज्यस्य मुख्यमन्त्री ममता बनर्जी सोमवासरे स्वातन्त्र्यसैनिकस्य मास्टरदा सूर्यसेनस्य पुण्यतिथौ तस्मै श्रद्धाञ्जलिं समर्पितवती।सामाजिकमाध्यमे एक्स इति मञ्चे प्रकाशिते सन्देशे मुख्यमन्त्रिणी सूर्यसेनं चिटगांवप्रदेशस्य ब्रिटिशविरोधि स्वातन्त्र्यआन्दोलनस्य “महानायक” इति सम्बोधितवती।ममता बनर्जी एक्स इति सूक्ष्मलेखनमाध्यमे लिखितवती“चिटगांवस्य ब्रिटिशविरोधि स्वातन्त्र्यसंग्रामस्य महानायकः शहीदः मास्टरदा सूर्यसेनः, तस्य पुण्यतिथौ अहं तस्मै हार्दिकां श्रद्धाञ्जलिं नमनं च समर्पयामि। आदर्शाः कदापि न म्रियन्ते, अतः सः अमरः अस्ति।”

उल्लेखनीयम् यत् सूर्यसेनः, यः लोकप्रियतया ‘मास्टरदा’ इति नाम्ना प्रसिद्धः आसीत्, ऐतिहासिकस्य चिटगांवशस्त्रागारलूटकाण्डस्य नेतृत्वेन विशेषतया स्मर्यते। भारतीयस्वातन्त्र्यआन्दोलनस्य इतिहासे तस्य योगदानम् अमिटं अविस्मरणीयं च अस्ति।------------------------

हिन्दुस्थान समाचार