Enter your Email Address to subscribe to our newsletters
गांधीनगरम्, 12 जनवरीमासः (हि.स.)।
प्रधानमन्त्री नरेन्द्रमोदीः सोमवासरे अवदत् यत् भारतं जर्मनी च एतस्मिन् विषये एकमतौ स्तः यत् आतंकवादः सम्पूर्णमानवजातये महद्भयं अस्ति। उभौ देशौ तस्य विरुद्धं पूर्णदृढतया संयुक्तरूपेण संघर्षं निरन्तरं करिष्यतः।
प्रधानमन्त्री मोदी एतत् गुजरातराज्यस्य गांधीनगरनगरे जर्मनीदेशस्य चांसलरः फ्रेडरिकमर्ज़ इत्यनेन सह संयुक्तपत्रकारवार्तायां अवदत्। प्रधानमन्त्री अवदत् यत् एषः सुखदः संयोगः अस्ति यत् स्वामीविवेकानन्दः भारतजर्मनीयोः मध्ये दर्शनस्य ज्ञानस्य श्रद्धायाश्च सेतुम् अकरोत्। अद्य चांसलर फ्रेडरिकमर्ज़स्य एषा यात्रा तस्मै सेतवे नूतनां ऊर्जां नूतनं विश्वासं नूतनं विस्तारं च ददाति।
सः अवदत् यत् चांसलररूपेण मर्ज़स्य एषा न केवलं भारतस्य अपि तु एशियायाः प्रथमयात्रा अस्ति, या भारतसह सम्बन्धेषु प्रदत्तं महत्त्वं दर्शयति। प्रधानमन्त्री अवदत् यत् मर्ज़स्य एषा यात्रा तस्मिन् काले भवति यदा उभौ देशौ गतवर्षे सामरिकसाझेदारीयाः पञ्चविंशतिवर्षाणि पूर्णवन्तौ, अस्मिन् वर्षे च राजनयिकसम्बन्धानां पञ्चसप्ततिवर्षाणि आचरन्ति। एताः उपलब्धयः उभयदेशयोः साझा महत्वाकाङ्क्षाणां परस्परविश्वासस्य निरन्तरं दृढीभवत्सहयोगस्य च प्रतीकाः सन्ति।
मोदीः अवदत् यत् भारतजर्मनीसदृशयोः अर्थव्यवस्थयोः मध्ये सन्निकृष्टः सहयोगः सम्पूर्णमानवजातये महत्त्वपूर्णः अस्ति। द्विपक्षीयव्यापारः अधुना पञ्चाशत् अब्जडॉलरपरिमाणं अतिक्रान्तवान् अस्ति। भारतदेशे द्विसहस्राधिकाः जर्मनीकम्पन्यः कार्यरताः सन्ति, यत् भारतस्य सम्भावनासु तेषां विश्वासं दर्शयति।
सः अवदत् यत् प्रौद्योगिकीसहयोगे नवीकरणीयऊर्जायां रक्षा सुरक्षाक्षेत्रयोः च उभयदेशयोः साझेदारी निरन्तरं सुदृढीभवति। रक्षा उद्योगेषु सहविकासस्य सहउत्पादनस्य च कृते मार्गचित्रे कार्यं भविष्यति। उच्चशिक्षाक्षेत्रे निर्मितेन व्यापकमार्गचित्रेण नूतना दिशा प्राप्स्यते, जर्मनीविश्वविद्यालयानां भारतदेशे स्वकैंपसः उद्घाटयितुं आमन्त्रणं च दत्तम् अस्ति। भारतीयनागरिकेभ्यः वीजाविहीनसंक्रमणस्य घोषणायै प्रधानमन्त्री चांसलरमर्ज़ं कृतज्ञतया धन्यवादं दत्तवान्।
प्रधानमन्त्री मोदी अवदत् यत् युक्रेन गाजादेशयोः सहितं अनेकेषु वैश्विकक्षेत्रीयविषयेषु चर्चा अभवत्। भारतः सर्वेषां विवादानां शान्तिपूर्णसमाधानस्य समर्थकः अस्ति। उभौ देशौ जलवायुक्रियायां ऊर्जाक्षेत्रे नगरीयविकासे हरितहाइड्रोजनक्षेत्रे सुरक्षितआपूर्तिशृंखलानां निर्माणे च संयुक्तरूपेण कार्यं कुर्वन्ति। वैश्विकचुनौतीनां समाधानार्थं संयुक्तराष्ट्रसुरक्षापरिषदादिषु वैश्विकसंस्थासु सुधारस्य आवश्यकता अस्ति इति विषये अपि उभयोः देशयोः सहमति अस्ति।
अस्मिन् अवसरि जर्मनीचांसलरः मर्ज़ः अवदत् यत् संरक्षणवादः मुक्तव्यापारस्य मुक्तबाजारसिद्धान्तानां च विरुद्धः अस्ति। भारतसदृशाः देशाः मुक्तव्यापारे मुक्तबाजारे च केन्द्रिताः सन्ति। आपूर्तिशृंखलासु एकपक्षीयनिर्भरता न्यूनां कृत्वा उभौ देशौ स्वार्थव्यवस्थे अधिकं सुदृढे कर्तुं शक्नुतः। मर्ज़ः अवदत् यत् भारतजर्मनी उभौ साझेदारीं अधिकोन्नतस्तरे नेतुम् इच्छतः। सः गुजरातयात्रां महात्मागान्धेः जन्मस्थलदर्शनं च स्वीयं सम्मानं मन्यते इति अवदत्, यत् उभयदेशयोः गभीरसम्बन्धानां प्रतीकं अस्ति।
------------
हिन्दुस्थान समाचार