Enter your Email Address to subscribe to our newsletters
सिलीगुड़ी, 12 जनवरीमासः (हि.स)।इण्डियन् आइडल् नामकस्य तृतीयस्य सत्रस्य विजेता तथा वेब् शृङ्खलायां पाताल् लोक् २ इति प्रसिद्धायां दृश्यः अभिनेता गायकः प्रशान्तः तामाङ्गः तस्य पार्थिवशरीरं सोमवासरे ताबूतमध्ये बागडोगरा विमानपत्तनं नीतम्। यदा तस्य पार्थिवशरीरं विमानपत्तनं प्राप्तम् तदा तत्र उपस्थिताः कुटुम्बजनाः दुःखविह्वलाः सन्तः अश्रुपातं कृतवन्तः। तेन सर्वत्र शोकमयं वातावरणं अभवत्।
दार्जिलिङ्गनिवासी प्रशान्तः तामाङ्गः स्वस्य मधुरया वाण्या देशव्यापिनां जनानां हृदयानि जितवान्। तस्य आकस्मिकेन निधननेन पर्वतीयप्रदेशे शोकतरङ्गः प्रवृत्तः।
सोमवासरे बागडोगरा विमानपत्तने तस्मै अन्तिमश्रद्धाञ्जलिं दातुं दार्जिलिङ्गस्य सांसदः राजू बिष्टः जीटीए संस्थायाः मुख्यकार्यकारी अनितः थापा दार्जिलिङ्गस्य विधायकः नीरजः ज़िम्बा इत्यादयः बहवः गणमान्याः जनाः उपस्थिताः आसन्।
उल्लेखनीयं यत् रविवासरे दिल्लीनगरे हृदयाघातेन प्रशान्तः तामाङ्गः दिवंगतः। तस्य निधनस्य वार्ता प्रसारितमात्रेण सम्पूर्णं पर्वतीयक्षेत्रं शोकमग्नं जातम्। सः हिन्दीभाषया सह नेपालीभाषायामपि बहूनि लोकप्रियगीतानि अगायत् तथा अनेकासु वेब् शृङ्खलासु अभिनयमपि अकरोत्।
सांसदः राजू बिष्टः अवदत् यत् प्रशान्तस्य तामाङ्गस्य निधनं देशस्य राज्यस्य च पर्वतीयप्रदेशस्य च कृते अपूरणीयः क्षतिः अस्ति। तस्य स्वरः कदाचित् गोरखासमाजं एकसूत्रे आबद्धवान्।--------------------
हिन्दुस्थान समाचार