Enter your Email Address to subscribe to our newsletters
नवदिल्ली, १२ जनवरीमासः (हि.स.)।स्वामी–विवेकानन्द–जयन्त्यां तथा राष्ट्रिय–युवा–दिवस–अवसरे राष्ट्रपतिः द्रौपदी–मुर्मु:, उपराष्ट्रपतिः सी.पी.–राधाकृष्णनः, गृहमन्त्री अमित–शाहः, नितिन–गडकरी, मल्लिकार्जुन–खरगे, राहुल–गान्धी, उत्तरप्रदेश–मुख्यमन्त्री योगी–आदित्यनाथः इत्यादयः बहवः प्रमुख–नेतारः स्वामी–विवेकानन्दाय श्रद्धांजलिम् अर्पितवन्तः, युवभ्यश्च शुभाशयान् प्रेषितवन्तः। तैः स्वामीमहोदयस्य विचारान् योगदानञ्च स्मृतम्। उपराष्ट्रपतिः सी.पी.–राधाकृष्णनः स्वनिवासे स्वामी–विवेकानन्दाय श्रद्धांजलिम् अर्पितवान्।राष्ट्रपतिः द्रौपदी–मुर्मु: सामाजिक–माध्यमे “एक्स” इत्यत्र लिखितवती यत् स्वामी–विवेकानन्दः शाश्वत–दूरदर्शी आध्यात्मिक–प्रतीकश्च आसीत्। तेन आन्तरिक–शक्तेः मानव–सेवायाश्च महत्त्वं सार्थक–जीवनस्य आधारत्वेन प्रतिपादितम्। स्वामीमहोदयेन भारतस्य शाश्वत–ज्ञानं विश्वं प्रति प्रसारितम्, येन भारतीयेषु राष्ट्रिय–गौरवं जागृतम्, युवाश्च राष्ट्रनिर्माणाय प्रेरिताः। तस्य शिक्षाः मानवतां सदैव प्रेरयिष्यन्ति।उपराष्ट्रपतिः सी.पी.–राधाकृष्णनः उपराष्ट्रपति–एन्क्लेव–स्थले स्वामी–विवेकानन्दाय श्रद्धांजलिम् अर्पितवान्। तेन उक्तं यत् स्वामीमहोदयस्य जीवनं शिक्षाश्च आन्तरिक–शक्तिम्, आत्मानुशासनं, निस्वार्थ–सेवां च शिक्षयति। भारतस्य सभ्यतागत–ज्ञानं विश्वे प्रसार्य तेन राष्ट्रिय–गौरवस्य दीपः प्रज्वालितः, युवसु देश–प्रगत्यै विश्वासः च उत्पादितः। तस्य आदर्शाः वंश-परम्परासु मार्गदर्शकाः भविष्यन्ति।गृहमन्त्री अमित–शाहः स्वामी–विवेकानन्दाय श्रद्धांजलिम् अर्पितवान् तथा देशवासिभ्यः राष्ट्रिय–युवा–दिवसस्य शुभाशयान् दत्तवान्। तेन उक्तं यत् स्वामीमहोदय: भारतीय–ज्ञान–परम्परया, दर्शन–अध्यात्मभ्यां च यून: संयोजितवान्, रामकृष्ण–मिशन–माध्यमेन समाजसेवायाः आदर्शान् अस्थापयत्। तस्य विचाराः युवसु कर्तव्यबोधं राष्ट्रप्रेम च जागरयन्ति, विकसित–भारत–निर्माणाय गतिं ददति।केन्द्रीय–मार्ग–परिवहन–मन्त्री नितिन–गडकरी स्वामी–विवेकानन्दं युग–प्रवर्तकं यूनां प्रेरणास्रोत: च उक्तवान्। तेन प्रतिपादितं यत् तस्य तेजस्विनः विचाराः भारतीय–संस्कृतिं विश्वे प्रतिष्ठापितवन्तः, ते च वंशानुवंशं प्रेरणां दास्यन्ति। सः देशस्य युव–शक्तये राष्ट्रिय–युवा–दिवसस्य शुभाशयान् अर्पितवान्।कांग्रेस–राष्ट्रीय–अध्यक्षः मल्लिकार्जुन–खरगे सर्वेभ्यः देशवासिभ्यः राष्ट्रिय–युवा–दिवसस्य शुभाशयान् दत्तवान्। तेन स्वामी–विवेकानन्दः भारतीय–जीवन–मूल्यानां प्रतीकः, यूनां प्रेरणायाः अमूल्यः स्रोतश्च इति उक्तम्। सः स्मारितवान् यत् राजीव–गान्धिना स्वामीमहोदयस्य विचाराणां सम्मानरूपेण अयं दिवसः राष्ट्रिय–युवा–दिवसत्वेन घोषितः।राहुल–गान्धी स्वामी–विवेकानन्दं नत्वा उक्तवान् यत् स्वामीमहोदयस्य विचारैः भारतीय–संस्कृतिः विश्व–पटलं प्रापिता, तस्य आदर्शाश्च सर्वान् भारतीयान् सदैव प्रेरयिष्यन्ति।उत्तरप्रदेशस्य मुख्यमन्त्री योगी–आदित्यनाथः “गर्वेण वदामः – वयं हिन्दवः स्मः” इति लिखित्वा सामाजिक–माध्यमे प्रकाशनं कृतवान्। तेन स्वामी–विवेकानन्दः भारतीय–ज्ञान–परम्परायाः ध्वजवाहकः, सनातन–संस्कृतेः विश्व–मञ्चे पुनः–स्थापकश्च इति वर्णितः। तेन उक्तं यत् तस्य विचाराः दर्शयन्ति यत् हिन्दुधर्मः मानवतायाः समग्र–उत्कर्षस्य मार्गदर्शकः अस्ति। सः यून: आह्वानं कृतवान् यत् ते स्वामीमहोदयस्य विचारान् जीवने धारयन्तु, राष्ट्रसेवायै च दृढ–संकल्पं कुर्वन्तु।दिल्ली–मुख्यमन्त्री रेखा–गुप्ता सामाजिक–माध्यमे “एक्स” इत्यत्र लिखितवती यत् भारतस्य सनातन–ज्ञान–परम्परायाः सांस्कृतिक–गौरवस्य च वैश्विक–उद्घोषकं स्वामी–विवेकानन्दं जयंती–अवसरे नमामि, राष्ट्रिय–युवा–दिवसस्य शुभाशयाश्च अर्पयामि। तेन उक्तं यत् स्वामीमहोदयस्य जीवन–दर्शनम् आध्यात्मिक–चेतनायाः महाप्रवाहः अस्ति, यः पूर्वस्य आत्मबोधं पश्चिमस्य तर्कवादं च संयोज्य समग्र–मानवतायै एकात्मतायाः सन्देशं दत्तवान्। तस्य विचाराः यून: केवलं भौतिक–उन्नत्याः न, अपि तु आत्म–साक्षात्कारस्य चरित्र–निर्माणस्य च उच्च–शिखरान् प्रति प्रेरयन्ति।उल्लेखनीयम् यत् स्वामी–विवेकानन्द–जयन्ती राष्ट्रिय–युवा–दिवसत्वेन आचर्यते, यून: तस्य आदर्शैः शिक्षाभिश्च प्रेरणायै अस्ति। विशेषतः शिकागो–भाषणात् (१८९३) अनन्तरं विश्वमञ्चे भारतीय–संस्कृतेः वेदान्तस्य च प्रचारः, “उत्तिष्ठत जाग्रत” इति तस्य प्रसिद्ध–उद्घोषेण मानव–सेवायाः आत्म–जागरणस्य च सन्देशः प्रसारितः।
हिन्दुस्थान समाचार / Dheeraj Maithani