Enter your Email Address to subscribe to our newsletters
नव दिल्ली, 12 जनवरीमासः (हि.स.)।
लोकसभा–अध्यक्षः ओमबिरला तथा केन्द्रीयगृहमन्त्री अमितशाहः सहिताः अनेके प्रमुखाः नेतारः सोमवासरे राजमाता जीजाबायाः जयंतीदिने तां नत्वा श्रद्धां समर्पितवन्तः।
बिरला एक्स–माध्यमे लिखितवान् यत् “वीरछत्रपति शिवाजीमहाराजस्य जननी, श्रद्धेया राजमाता जीजाबाई, तस्याः जयंतीदिने तां कोटिकोटि नमामि। राजमाता जीजाबाई संस्कारस्य साहसस्य राष्ट्रधर्मस्य च प्रतिमूर्तिरासीद्। शिवाजीमहाराजस्य हृदये सा बाल्यकालादेव स्वराज्यस्य धर्मरक्षणस्य न्याययुक्तशासनस्य च बीजानि अवपातयत्, यानि कालान्तरे सशक्तां स्वाभिमानयुक्तां राष्ट्रचेतनां रूपान्तरितानि। राजमाता जीजाबायाः जीवनं प्रमाणं यत् मातृशक्तिः एव राष्ट्रनिर्माणस्य प्रथमशिला भवति।”
गृहमन्त्री अमितशाहः अवदत् यत् राजमाता जीजाबाई बाल्यकालादेव छत्रपति शिवाजीमहाराजे साहसं स्वाभिमानं स्वसंस्कृतेः रक्षणस्य च संस्कारान् आरोपयत्। तया शिवाजीमहाराजस्य मनसि हिन्दवी स्वराज्यस्थापनस्य संकल्पः जागरितः कृतः, येन सः राष्ट्ररक्षणस्य महान् लक्ष्यं प्रति प्रेरितः अभवत्।
केन्द्रीयकृषि–किसानकल्याणमन्त्री शिवराजसिंहचौहानः अवदत् यत् राजमाता जीजाबायाः पवित्रविचाराणां ज्योतिः सदैव युवान् मातृभूमेः सेवायै राष्ट्रोत्थानाय च प्रेरयतु।
शिक्षामन्त्री धर्मेन्द्रचौहानः अवदत् यत् राजमाता जीजाबाई स्वजीवनेन स्वविचारैः च तादृशं नेतृत्वं निर्मितवती, येन स्वराज्यस्य संकल्पना साकारिता। राजमाता जीजाबाई भारतीयेतिहासे मातृत्वस्य राष्ट्रचेतनायाः च उज्ज्वलं अध्यायं सन्ति, या पीढीः पीढीः सदैव प्रेरयिष्यति।
विधि–न्यायराज्यमन्त्री स्वातन्त्र्यप्रभारयुक्तः अर्जुनराममेघवालः अवदत्
“मराठागौरवस्य कुशलप्रशासकस्य महान्योधस्य छत्रपति शिवाजीमहाराजस्य जननी जीजाबाई तस्याः जयंतीदिने कोटिकोटि नमनम्। अम्बे भवत्याः शिक्षाः आदर्शजीवनं च सदैव लोककल्याणस्य पवित्रं दीपं दैदीप्यमानं करिष्यति।”
भारतीयजनतापक्षस्य सांसदः बांसुरीस्वराजः अवदत् यत् राजमाता जीजाबाई साहसस्य त्यागस्य स्वाभिमानस्य च जीवन्ता प्रतिमूर्तिḥ, मराठासाम्राज्यस्य गौरवस्य छत्रपति शिवाजीमहाराजस्य जननी, वीरतायाः संस्कारस्य राष्ट्रभक्तेः च अनुपमा दृष्टान्ता सन्ति।
-------------
हिन्दुस्थान समाचार