नवदिल्ली, १२ जनवरीमासः (हि.स.)।कर्नाटक–राज्यस्य उत्तर–कन्नड़–जनपदे स्थिते रामापुरग्रामे दलित–महिलायाः रञ्जिता–नाम्न्याः हत्यां प्रति विश्व–हिन्दू–परिषदा (विहिप) तीव्रं विरोधं कृतम् अस्ति। विहिपेन राज्य–सर्वकारं प्रति दोषिणां विरुद्धं कठोर–कार्यवाही कर्तुम् आग्रहः कृतः।विहिप–संस्थायाः अन्ताराष्ट्रिय–महामन्त्री बजरङ्ग–लाल–बागड़ा अवदत् यत् रञ्जिता सर्वकारी–विद्यालये मध्याह्न–भोजन–योजनायाम् कार्यरताऽसीत् तथा स्वपुत्रस्य शिक्षा–भविष्यस्य च कृते संघर्षं कुर्वती आसीत्।संघटनस्य आरोपः अस्ति यत् एकेन युवकेन विवाहाय सततं प्रयास: कृतः, तस्या: निराकरणे सति योजनाबद्धतया ग्रीवा–च्छेदनपूर्वकं हत्या कृता।विहिपदलेन एषा घटना राज्यस्य न्याय–व्यवस्थायाः तथा महिला–सुरक्षा–व्यवस्थायाः गम्भीर–विफलता इति निरूपिता। संघटनम् अवदत् यत् कर्नाटक–राज्ये हिन्दू–समाजस्य दुर्बल–वर्गाः, विशेषतः दलित–निर्धन–महिलाः, निरन्तरं लक्ष्यीकृताः भवन्ति।एतादृश्य: घटनाः सामान्य–अपराधाः न, अपि तु संगठित–वैचारिक–द्वेषे प्रेरिताः, ये समाजस्य परम्परां क्षीणयन्ति।बागड़ा आरोपं कृतवान् यत् कट्टर–मानसिकतया प्रेरित–अपराधेषु वृद्धि: तथा तेषु शासन–प्रशासनस्य शैथिल्यं चिन्ताजनकम् अस्ति। यदि सर्वकारः तुष्टीकरण–नीतिं स्वीकृत्य पीडित–हिन्दू–समाजस्य दुःखम् उपेक्षते, तर्हि तत् लोकतन्त्रस्य, संविधानस्य तथा सामाजिक–न्यायस्य प्रति विश्वासघातः भविष्यति।विहिपदलेन संचेतना दत्ता यत् यदि अस्मिन् प्रकरणे निलयनम्, राजनीतिक–बलेन शैथिल्यं वा दृश्यते, तर्हि समाजे गम्भीर–असन्तोषः प्रसारयिष्यते, यस्य नैतिक–प्रशासनिक–उत्तरदायित्वं राज्य–सर्वकारस्य एव भविष्यति।संघटनं स्पष्टं कृतवान् यत् सः पीडित–परिवाराय न्यायिक–सहाय्यं, सामाजिक–संरक्षणं, नैतिक–समर्थनं च दातुं प्रतिबद्धः अस्ति, तथा दलित–महिलानां हत्याः कदापि न विस्मरिष्यन्ते।

हिन्दुस्थान समाचार / अंशु गुप्ता