Enter your Email Address to subscribe to our newsletters
पटना, 13 जनवरीमासः (हि.स.)।
बिहारस्य मुख्यमन्त्री नीतीश कुमारः आगामी १६ जनवरी दिनाङ्कात् राज्यव्यापिनीं ‘समृद्धि यात्रां’ प्रथमचरणरूपेण आरम्भं कर्तुं गच्छति। अस्याः यात्रायाः मुख्यं उद्देश्यम् सुशासनस्य सुदृढीकरणं तथा सम्पूर्णे राज्ये सञ्चालितानां विकासपरियोजनानां यथार्थस्थितेः स्थलगतपरीक्षणं कर्तुम् अस्ति।
मन्त्रिमण्डल सचिवालय विभागेन निर्गतायां आधिकारिकायां अधिसूचनायां अनुसारं अस्याः यात्रायाः कृते व्यापकाः पूर्वतैयार्यः क्रियन्ते। यात्राकाले मुख्यमन्त्री विभिन्नानां शासकीय योजनानां, विशेषतया ‘सात निश्चय’ नामकायाः पहलायाः अन्तर्गतं सञ्चालितानां कार्यक्रमाणां कार्यान्वयनस्य समीक्षां करिष्यति। प्रगतिमूल्याङ्कनार्थं तथा सम्भावितविघ्नानां निवारणार्थं सः प्रमुखानां आधारभूतसंरचनापरियोजनानां तथा कल्याणकारीयोजनानां निरीक्षणम् अपि करिष्यति।
‘समृद्धि यात्रायाः’ प्रथमचरणे मुख्यमन्त्री १६ जनवरी दिनाङ्के पश्चिमी चम्पारणम्, १७ जनवरी पूर्वी चम्पारणं, १९ जनवरी सोमवासरे सीतामढ़ी तथा शिवहरम्, २० जनवरी गोपालगञ्जम्, २१ जनवरी सिवानम्, २२ जनवरी सारणम्, २३ जनवरी मुजफ्फरपुरम् तथा २४ जनवरी दिनाङ्के वैशाली जनपदं गत्वा प्रथमचरणस्य समापनं करिष्यति।
मुख्यसचिवः प्रत्यय अमृत महोदयः सर्वान् अतिरिक्तमुख्यसचिवान्, विभागप्रमुखान्, पुलिसमहानिदेशकं तथा जिलाधिकारिणः निर्देशितवान् यत् ते यात्राकाले परस्परं समन्वयं रक्षेयुः तथा सर्वाः आवश्यकाः व्यवस्थाः सुनिश्चिताः कुर्वन्तु।
---------------
हिन्दुस्थान समाचार