Enter your Email Address to subscribe to our newsletters
शिमला, 13 जनवरीमासः (हि.स.)।लोकनिर्माणमन्त्री विक्रमादित्यसिंहः अवदत् यत् क्षतिग्रस्तमार्गाणां पुनर्स्थापनार्थं परीक्षणार्थं ‘सीमेंट ग्राउटेड बिटुमिनस मैकाडम इत्यस्य (सीजीबीएम) तथा स्टेबिलाइज्ड-बेस-लेयर-प्रौद्योगिकी इत्येतयो: आधुनिकप्रभाविप्रौद्योगिकयोः चयनं कृतम् अस्ति। प्रारम्भे शोघी-मझहली-मार्गे एतासां प्रौद्योगिकीनां उपयोगः क्रियते ।
सः अवदत् यत् लोकनिर्माणविभागः राज्ये प्रायः ३५,००० किलोमीटर्पर्यन्तं मार्गाणां परिपालनं करोति, मार्गस्य गुणवत्तां परिष्कर्तुम्, सर्वर्तुसंपर्कं च निर्वाहयितुम् निरन्तरं प्रयतते। एतस्या: प्रौद्योगिक्याः कारणात् हिमाचलस्य मार्गाः स्थायित्वं प्राप्स्यन्ति, न्यूनातिन्यूनं १० वर्षाणि यावत् क्षतिग्रस्ताः न भविष्यन्ति। एतां सूचनां मन्त्री सचिवालये मीडियाभिः सह प्रकटितवान्। लोकनिर्माणमन्त्री उक्तवान् यत् राज्यस्य प्रायः २०% मार्गाः प्रतिकूलर्तौ: जलप्रवेशस्य च कारणेन पुनः पुनः क्षतिग्रस्ताः भवन्ति, अतः नित्यं पुनर्स्थापनस्य आवश्यकता भवति। एतेन अनुरक्षणव्ययः वर्धते । अस्याः समस्यायाः स्थायी समाधानं प्राप्तुं दीर्घकालीनसमाधानरूपेण नवीनाः स्थायिमार्गनिर्माणप्रौद्योगिकीः स्वीक्रियन्ते।
केन्द्रीयमार्गसंशोधनसंस्थया सह चर्चां कृत्वा शोघी-मोहलीमार्गस्य क्षतिग्रस्तखण्डेषु एतासां प्रौद्योगिकीनां उपयोगेन प्रायोगिकपरियोजना आरब्धा अस्ति। एताः प्रौद्योगिक्यः मार्गाः सुदृढाः, भारवाहकयातायातस्य नियन्त्रणं कर्तुं समर्थाः च भविष्यन्ति । ते जलक्षतिविरुद्धं उत्तमं रक्षणमपि दास्यन्ति, येन नित्यं पुनर्स्थापनस्य आवश्यकता न भवति ।
कथ्यते यत् एताभि: प्रौद्योगिकीभिः निर्मिताः मार्गाः प्रायः १० वर्षाणि यावत् अक्षतिग्रस्ताः एव तिष्ठन्ति, येन अनुरक्षणव्ययः न्यूनीभवति, जनसामान्यस्य कृते सुरक्षितः विश्रामदायकः च यात्रा-अनुभवः प्राप्यते।
---------------
Hindusthan Samachar / अंशु गुप्ता