Enter your Email Address to subscribe to our newsletters
अम्बिकापुरम्, 13 जनवरीमासः (हि.स.)। मकरसंक्रान्तेः पावनावसरे सरगुजाजनपदस्य अम्बिकापुरनगरे गान्धी-क्रीडाङ्गणे पुनः एकवारं रङ्गवर्णैः पतङ्गैः आकाशं शोभितं भविष्यति। प्रतिवर्षपरम्परानुसारं सरगुजा-सेवा-समित्या आगामि जनवरीमासस्य 15 दिनाङ्के भव्यः पतङ्ग-महोत्सवः आयोज्यते, यस्य सिद्धयः अधुना अन्तिमावस्थायां सन्ति।
अयं पतङ्ग-महोत्सवः अष्टादश-वर्षेभ्यः निरन्तरं आयोजितः भवति तथा च नगरे स्वकीयं विशिष्टं स्थानं प्राप्तवान् अस्ति। प्रतिवर्षं अस्मिन् महोत्सवे अनेकाः पतङ्गप्रेमिणः उत्साहेन सहभागं कुर्वन्ति।
अस्मिन् वर्षेऽपि गान्धी-क्रीडाङ्गणे “पतङ्ग-छेदन-प्रतियोगिता” तथा “विचित्र-पतङ्ग-प्रतियोगिता” आयोज्येते, यत्र प्रतियोगिनः स्वकौशलं प्रतिभां च प्रदर्शयिष्यन्ति। प्रतियोगितासु उत्कृष्टप्रदर्शनं कृत्वा ये विजेतारः भविष्यन्ति, तेषां नगद-पुरस्कारैः स्मृतिचिह्नैः च सम्मानः भविष्यति। आयोजकाः अपेक्षां कुर्वन्ति यत् अस्मिन् वर्षे शतानि प्रतियोगिनः भागं ग्रहीष्यन्ति, येन महोत्सवस्य रोमाञ्चः अधिकं वर्धिष्यते।
सुरक्षां प्रमुखं मन्यमानाः आयोजकाः चीनी-माझा-प्रयोगं पूर्णतः निषिद्धम् अघोषयन्। प्रतियोगितापूर्वं सर्वेषां प्रतियोगिणां सूत्राणि समित्या परीक्षणीयानि भविष्यन्ति, तथा च परीक्षणे सफलाः प्रतियोगिनः एव प्रतियोगितायां अनुमतिं प्राप्स्यन्ति। आयोजनं प्रति नगरे विशेषः उत्साहः दृश्यते, तथा च पतङ्गप्रेमिणः पुनः एकं स्मरणीयं दृश्यं द्रष्टुम् उत्सुकाः सन्ति।
---------------
हिन्दुस्थान समाचार