Enter your Email Address to subscribe to our newsletters
बीजापुरम्, 13 जनवरीमासः (हि.स.)। भारतसरकारस्य सूचना–प्रसारण–मन्त्रालयस्य केन्द्रीय-संचार-ब्यूरो (सीबीसी), रायपुर-द्वारा बीजापुरस्थिते सांस्कृतिक-भवने आयोजितः द्विदिवसीयः “विकसित-भारत् 2047” जन-जागरूकता-कार्यक्रमः तथा भव्य-चित्र-प्रदर्शनी मङ्गलवासरे सफलतया सम्पन्ना।
अस्य कार्यक्रमस्य मुख्योद्देश्यः सामान्य-नागरिकान् केन्द्रसरकारस्य योजनासु, विकास-दिशायां तथा नागरिक-सहभागितायां जागरूकान् कर्तुं आसीत्। उद्घाटन-अवसरे जिला-पञ्चायत-अध्यक्षया जानकी-कोरसा तथा नगरपालिका-अध्यक्षया गीता-सोम-पुजारिण्या प्रदर्शनी अवलोकिता तथा आयोजनस्य प्रशंसा कृता। ताभ्यां उक्तं यत् “विकसित-भारत् 2047” आत्मनिर्भरं समृद्धं च राष्ट्रं निर्मातुं राष्ट्रीयः संकल्पः अस्ति, यः केवलं जन-सहभागितया एव साकारः भवितुम् अर्हति।
जन-जागरूकतां सहभागितापूर्णां कर्तुं विद्यालयीय-छात्राणां कृते प्रश्नोत्तरी, चित्रकला तथा रङ्गोली-प्रतियोगिताः आयोजिताḥ, यत्र विजेतृभ्यः पुरस्काराः प्रदत्ताः।
कार्यक्रमान्तर्गतं केन्द्रीय-रिज़र्व-पुलिस-बलद्वारा स्वास्थ्य-शिविरम् अपि आयोजितम्। अस्मिन् शिविरे 170 तथा 229 वाहिनीभ्यः वरिष्ठ-चिकित्सा-अधिकारी डॉ. मोहन-राजू एवं डॉ. इद्रा-ग्रीष्मा-तेजस्वी इत्येतयोः नेतृत्वे नागरिकाणां स्वास्थ्य-परीक्षणं कृत्वा निःशुल्क-औषधानां वितरणम् कृतम्।
गीतैः, नाटकैः, रङ्गोल्या, चित्रकला-प्रदर्शनैः, प्रश्नमञ्चेन तथा लोककलाप्रस्तुतिभिः केन्द्रसरकारस्य योजनानां सरलः प्रभावशालीः च प्रचारः कृतः। जगदलपुरस्थित-लोककला-मञ्चस्य कलाकाराः अपि प्रस्तुतिर्दत्वा जनान् जागरूकान् अकुर्वन्।
साइबर-सेल-प्रभारी विवेकानन्द-पटेलः नागरिकान् साइबर-अपराधेषु सावधानान् कृत्वा अवदत् यत् ओटीपी-ठगी, कूट-निवेश-योजनाः, व्हाट्सएप्-हैकिङ्ग्, कूट-संयोजक-सूत्राणि (लिङ्क्) तथा मिथ्या-अधिकारीरूपेण ठगी इत्यादयः अपराधाः तीव्रतया वर्धन्ते। तेन स्पष्टं कृतं यत् “डिजिटल्-अरेस्ट्” नाम कापि वैधानिक-प्रक्रिया नास्ति, एषा केवलं ठगी-युक्तिः अस्ति। नागरिकेभ्यः अपीलं कृतं यत् अनजान-संयोजक-सूत्रेषु अथवा एपीके-फाइल्सु न क्लिक् कुर्वन्तु तथा आर्थिक-ठगी-स्थितौ 1930 हेल्पलाइनं सम्पर्कयन्तु अथवा cybercrime.gov.in इत्यत्र शिकायतं नोंदयेयुः।
कार्यक्रमे के. सन्तोष-कुमारः, पार्षदाः बसन्ती-लिङ्गम्, सुगतिन्-चालकी, राधा-लकड़ा, सत्यवती-परतागिरि, यशोदा-पैकरा, अर्जुन-पटेलः, अलिसा-खान्, अमिषा-झाड़ी इत्यादयः बहवः जनप्रतिनिधयः, शिक्षकाः, छात्र-छात्राः तथा नागरिकाः उपस्थिताः आसन्। कार्यक्रमस्य सफलं संचालनं केन्द्रीय-संचार-ब्यूरोस्य नोडल-अधिकारी के. एस्. दीवानः तथा बी. एस्. ध्रुवः अभ्यधारयताम्।
---------------
हिन्दुस्थान समाचार