Enter your Email Address to subscribe to our newsletters
हरिद्वारम्, 13 जनवरीमासः (हि.स.)। पूर्वकेन्द्रीयमन्त्री तथा सांसदः अनुराग ठाकुरः सोमवासरे हरिद्वारं आगत्य राष्ट्रिययुवासम्मेलनकार्यक्रमे सहभागित्वं कृतवान्। सः हरिकीपैडीं गत्वा गङ्गापूजनं कृतवान् तथा सायंकालीनायां आरत्यां भागं गृहीतवान्।
भाजपासांसदः अनुराग ठाकुरः हिन्दुस्थानसमाचारप्रतिनिधिना सह संवादे अवदत् यत् २०२७ तमे वर्षे भविष्यति विधानसभा-निर्वाचने उत्तराखण्डः हिमाचलप्रदेशः उत्तरप्रदेशः पञ्जाबः इत्यादिषु अनेकेषु राज्येषु भारतीयजनतापक्षस्य सरकार पूर्णबहुमतेन आगमिष्यति। सः अवदत् यत् प्रधानमन्त्रिणो नरेन्द्र मोदिनो नेतृत्वे अद्य देशः शीघ्रगत्या उन्नतिं कुर्वन् विकसितभारतस्य लक्ष्यस्य दिशि अग्रसरः अस्ति।
मनरेगायोजनायाः नामपरिवर्तनं कृत्वा “जी राम जी” इति करणविषये सः अवदत् यत् मनरेगायोजनायाः स्थाने केन्द्रीयसरकार “जी राम जी विकसितभारत योजना” आनिता। एषा योजना दरिद्रमज्दूराणां बेरोजगाराणां च कृते मनरेगातः अपि उत्तमा अस्ति यत्र १२५ दिनानि श्रमिकेभ्यः रोजगारः लभ्यते तथा धनराशिः प्रत्यक्षं तेषां खातेषु प्रेष्यते। अनेन प्रकारेण प्रतिनिधीनां किमपि कार्यं न भविष्यति।
सः अवदत् यत् मनरेगायोजनानाम्ना अत्यधिकं भ्रष्टाचारः आसीत्। अद्यावधि कदापि काङ्ग्रेसपक्षेण महात्मा गान्धीमहोदयस्य सम्यक् सम्मानः न कृतः इति अपि सः उक्तवान्। पूर्वं एषा योजना विविधैः नामभिः प्रवर्तिता आसीत्, २००९ तमे वर्षे तु तस्याः “मनरेगा” इति नाम दत्तम्।
सः अवदत् यत् ओवैसी वदति यत् कदाचित् हिजाबं धारयन्ती महिला देशस्य प्रधानमन्त्री भविष्यति। एषः तस्य केवलं स्वप्नः एव अस्ति, यः स्वप्नरूपेण एव शेषः भविष्यति, यतः भारतं लोकतान्त्रिकं राष्ट्रम् अस्ति, अत्र जनभावनानुसारमेव प्रधानमन्त्री भवति।
पश्चिमबङ्गालराज्ये प्रवर्तमानस्य ईडी-अन्वेषणप्रकरणस्य विषये सः अवदत् यत् ममता बनर्जी आगामिनिर्वाचनान् दृष्ट्वा व्याकुला अभवत्। यदि सा मुख्यमन्त्री सती स्वयमेव संवैधानिककार्येषु बाधां जनयति तर्हि अनेन ज्ञायते यत् न केवलं दाल्यां किञ्चित् कालिमास्ति, अपि तु सम्पूर्णा दाल एव काली अस्ति।
---------------
हिन्दुस्थान समाचार