Enter your Email Address to subscribe to our newsletters
नव दिल्ली, 14 जनवरीमासः (हि.स.)।
तमिलनाडुराज्ये काँग्रेसदलस्य नेत्रा राहुलः गान्धिना सद्यः दत्तं वक्तव्यं प्रति भारतीयजनतापक्षेण (भाजपा) तीव्रः आपत्तिः व्यक्ता अस्ति। भाजपायाः आरोपः अस्ति यत् राहुलः गान्धी पुनःपुनः तादृशानि वक्तव्यानि करोति यानि समाजं विभाजयितुं क्षेत्रीयपरिचयस्य विषये च भ्रान्तिं प्रसारयितुं प्रवृत्तानि सन्ति। सः तमिल-अस्मितायाः नाम्ना नकारात्मकां राजनीतिं करोति।
भाजपाया राष्ट्रियप्रवक्ता गुरुप्रकाशः पासवानः बुधवासरे पक्षकार्यालये आयोजितायां पत्रकारवार्तायां अवदत् यत् राहुलः गान्धी तमिलनाडुराज्ये राजनीतिकयात्रायां आसीत्। तस्य यात्राकाले सः अत्यन्तं लज्जाजनकं पीडादायकं च वक्तव्यं दत्तवान् यस्य न वास्तविकतया सह, न तर्कैः सह, न तथ्यानि सह कश्चन सम्बन्धः अस्ति। तत्र सः अवदत् यत् प्रधानमंत्री नरेन्द्र मोदी तमिलस्वरस्य दमनं करोति।
गुरुप्रकाशः अपि अवदत् यत् इतिहासः साक्षी अस्ति यत् गतएकादशवर्षेषु प्रधानमन्त्रिणा नरेन्द्रमोदिना यथाविधा संवेदनशीलता तमिलभाषायाः, तमिलसंस्कृतेः च प्रति प्रदर्शिता, तादृशी पूर्वं कदापि न दृष्टा। अस्माकं इतिहासे प्रथमवारं एतत् अभवत् यत् तमिलभाषा, तमिलसम्माननं, तमिलअस्मिता च न केवलं भारतस्य सीमासु, अपि तु सर्वेषु वैश्विकमञ्चेषु सम्मानपूर्वकं संवेदनशीलतया च प्रतिनिधिता कृता अस्ति। मोदीना तमिल-अस्मितायाः सुदृढं प्रतिनिधित्वं वैश्विकस्तरे कृतम्।
सः अवदत् यत् राहुलः गान्धी यदा बिहारराज्ये गच्छति तदा जातिनाम्ना उन्मादं प्रसारयितुं प्रयतते। यदा तमिलनाडुं गच्छति तदा तमिलअस्मितायाः नाम्ना नकारात्मकां राजनीतिं करोति। कदाचित् जातिनाम्ना, कदाचित् क्षेत्रनाम्ना, कदाचित् अस्मितानाम्ना सः स्वस्य राजनीतिकताण्डवस्य प्रदर्शनं निरन्तरं करोति। एषा तस्य असंवेदनशीलतायाः पराकाष्ठा अस्ति।
अग्रे सः अवदत् यत् काशीक्षेत्रम्, संसद्, फ़िजीदेशः, ह्यूस्टनविश्वविद्यालयः, जी२० इत्यादयः वैश्विकमञ्चाः — एते सर्वे उदाहरणरूपेण तमिलसभ्यतागतविरासतायाः प्रति अस्माकं अतुलनीयां प्रतिबद्धतां दर्शयन्ति।
भाजपाया प्रवक्ता अवदत् यत् राहुलः गान्धी इत्यस्य राजनीतिकः अभिलेखः अत्यन्तं दुर्बलः अस्ति। बिहारयात्रायां सः जनान् जात्याधारेण विभाजयितुं प्रयत्नं कृतवान्। तमिलनाडौ सः तमिलपरिचयं दुर्बलं कर्तुं प्रवृत्तः। तस्य कर्माणि भारतीयराजनीतौ अलगाववादस्य पाठ्यपुस्तकसदृशं उदाहरणं तथा अध्ययनप्रकरणं प्रस्तुतयन्ति। अतः तेन एतादृशानि वक्तव्यानि दातुं विरमणीयम्।
उदाहरणरूपेण सः अवदत् यत् प्रधानमन्त्रिणः मोदीस्य नेतृत्वे फ़िजीदेशे तमिलभाषायाः पाठ्यक्रमाः आरब्धाः। गतअशीतिवर्षेषु प्रथमवारं फ़िजीदेशे तमिलभाषायाः औपचारिककार्यक्रमः आरब्धः अस्ति।
------------
हिन्दुस्थान समाचार