नव-दिल्ली, १४ जनवरीमासः (हि.स.)। केन्द्रीय-गृह-सहकारिता-मन्त्री अमित-शाहः, केन्द्रीय-सड़क-परिवहन-राजमार्ग-मन्त्री नितिन-गडकरीः तथा रक्षा-मन्त्री राजनाथ-सिंहः अद्य देशवासिभ्यः मकर-सङ्क्रान्त्याः शुभाशया: प्रेषितवन्तः। शुभाशय-प्रेषकेषु विपक्ष-नेतारः तथा अनेकेषां राज्यानां मुख्यमन्त्रिणः अपि अन्तर्भवन्ति।केन्द्रीय-गृह-मन्त्री अमित-शाहः ‘एक्स’-पटले उक्तवान् यत् “ऊर्जा-उमङ्ग-उत्साह-समन्वितस्य मकर-सङ्क्रान्ति-पर्वणः सर्वेभ्यः हार्दिकाः शुभाशयाः। एतत् पर्व सर्वेषां जीवने असीम-सुखानि समृद्धिं च आनयतु।”केन्द्रीय-मन्त्री नितिन-गडकरी देशवासिभ्यः अभिनन्दनं कृत्वा अवदत् यत् “मकर-सङ्क्रान्तेः एतत् पावनं पर्व सर्वेषां जीवने उत्तमं स्वास्थ्यं सुख-समृद्धिं च आनयतु।”रक्षा-मन्त्री राजनाथ-सिंहः मकर-सङ्क्रान्तेः, उत्तरायणस्य, माघ-बिहू-पर्वणः तथा पोंगल-पर्वणः शुभाशयान् प्रेष्य अवदत् यत् “एतानि पर्वाणि नव-चेतनायाः, शुभ-आरम्भस्य तथा प्रकृतेः शाश्वत-लयायाः प्रतीकानि सन्ति। एतानि भारतस्य समृद्ध-सांस्कृतिक-विरासतायां गभीरतया निहितानि सन्ति तथा ‘एकतायां विविधता’, सन्तुलनं सामञ्जस्यं च दर्शयन्ति।”अल्पसंख्यक-कार्य-मन्त्री किरण-रिजिजू, कांग्रेस-दलस्य राष्ट्रिय-अध्यक्षः मल्लिकार्जुन-खरगे, लोकसभायां विपक्ष-नेता राहुल-गान्धी, दिल्ली-राज्यस्य मुख्यमन्त्री रेखा-गुप्ता, महाराष्ट्र-राज्यस्य मुख्यमन्त्री देवेंद्र-फडणवीसः तथा हरियाणा-राज्यस्य मुख्यमन्त्री नायब-सिंह-सैनी च अपि देशवासिभ्यः मकर-सङ्क्रान्त्याः शुभाशया: प्रेषितवन्तः।

हिन्दुस्थान समाचार / अंशु गुप्ता