Enter your Email Address to subscribe to our newsletters
-667 कोटितः आधिक्येन 211 विकास कार्याणामुपहारः दत्तः
बलरामपुरम्, 14 जनवरीमासः (हि.स.)।
छत्तीसगढराज्यस्य बलरामपुरजनपदे प्रसिद्धे तातापानीक्षेत्रे अद्य बुधवासरे संक्रान्तिपर्वणः अवसरे आयोजितस्य त्रिदिवसीयस्य तातापानीमहोत्सवस्य शुभारम्भं मुख्यमंत्री विष्णुदेवसायः करिष्यति। अस्मिन् अवसरॆ सः मुख्यमंत्री जनपदं प्रति विकासस्य महतीं सौगातं दत्त्वा ६६७ कोटि ५७ लक्षरूप्यकाणाम् अधिकव्ययेन सम्पन्नानां २११ विकासकार्याणां शिलान्यासं लोकार्पणं च करिष्यति।
महोत्सवस्य अवसरे मुख्यमंत्री सामूहिककन्याविवाहयोजनायाः अन्तर्गतं २०० युगलानां विवाहसमारोहॆ उपस्थित्वा नवदम्पतीनां आशीर्वादं अपि दास्यति।
तातापानीमहोत्सवस्य मञ्चात् मुख्यमंत्री विष्णुदेवसायः बलरामपुरजनपदस्य रामानुजगंज सामरी प्रतापपुर इति त्रयाणां विधानसभा क्षेत्राणां मध्ये मार्गसेतुशिक्षाक्रीडाआवासजलापूर्तिनगरीयविकासादिसम्बद्धानां महत्वपूर्णकार्याणां शिलान्यासं कृत्वा सम्पन्नकार्याणां लोकार्पणं करिष्यति।
एतेषु २११ विकासकार्येषु ७१ कार्याणां शिलान्यासः तथा १४० कार्याणां लोकार्पणं समाविष्टम् अस्ति। एतेषां सर्वेषां कार्याणां कुलव्ययः ६६७ कोटि ५७ लक्षरूप्यकाणाम् अधिकः अस्ति।
रामानुजगंजविधानसभा क्षेत्रे मार्गसेतुनिर्माणं विद्यालयमहाविद्यालयभवनानि क्रीडासंकुलानि सीवरेजशोधनसंयन्त्रं प्रयासआवासीयविद्यालयः रिंगमार्गस्य सुदृढीकरणं तथा एकल ग्राम जलयोजना इत्यादीनां महत्वपूर्णकार्याणां शिलान्यासः लोकार्पणं च भविष्यति। एतेन क्षेत्रस्य आधारभूतसंरचना सुदृढा भविष्यति तथा आवागमनशिक्षापेयजलव्यवस्थासु विशेषः सुधारः स्यात्।
एवमेव सामरीविधानसभा क्षेत्रे मार्गनिर्माणं सेतुपुलिकाः छात्रावासभवनानि ग्राम्यसम्पर्कमार्गाः एकल ग्राम जलयोजनासम्बद्धानि च महत्त्वपूर्णकार्याणि शिलान्यासलोकार्पणयोः अन्तर्गतानि सन्ति। एतेन सुदूरप्रदेशानां सम्पर्कव्यवस्था सुदृढा भविष्यति तथा आदिवासीबहुलक्षेत्रेषु विकासः वेगं प्राप्स्यति।
प्रतापपुरविधानसभा क्षेत्रे अपि मुख्यमंत्री मार्गनिर्माणं सेतुनिर्माणं शासकीयमहाविद्यालयेषु अतिरिक्तकक्षनिर्माणं उच्चस्तरीयसेतवः एकल ग्राम जलयोजनायाः अन्तर्गतकार्याणां भूमिपूजनं लोकार्पणं च करिष्यति। एतेन क्षेत्रे शिक्षायाः यातायातस्य ग्राम्यबुनियादीसुविधानां च विस्तारः भविष्यति।
तातापानीमहोत्सवस्य अवसरॆ एषा विकासकार्याणां श्रृङ्खला जनपदस्य समग्रविकासस्य दिशायां सुदृढं पदं मन्यते। प्रशासनिकतैयारीषु सति स्थानीयनागरिकेषु मुख्यमन्त्रिणः आगमनं विकासकार्याणि च प्रति महान् उत्साहः दृश्यते।
---------------
हिन्दुस्थान समाचार