Enter your Email Address to subscribe to our newsletters
देहरादूनम्, 14 जनवरीमासः (हि.स.)।
मकरसंक्रान्तिपर्वणि अद्य प्रभृत्येव प्रातःकाले श्रद्धालवः हरिद्वारं, देवप्रयागं, विष्णुप्रयागं च अन्येषु अपि घाटेषु आगत्य स्नानं कृत्वा पूजामर्चनं च कुर्वन्ति। कुमाऊँप्रदेशस्य बागेश्वरं तथा उत्तरकाश्यां सूर्यस्य मकरराशौ प्रवेशसमये श्रद्धालुभिः पुण्यस्नानस्य आरम्भः कृतः। मुख्यमन्त्री पुष्करसिंहधामी अपि प्रदेशवासिभ्यः मकरसंक्रान्तेः शुभाशयान् प्रदत्तवान्।
सूर्यस्य दक्षिणायनात् उत्तरायणप्रवेशे सति कुमाऊँप्रदेशस्य काशी इति विख्याते बागेश्वरे आस्थायाः महती तरङ्गा उद्भूता। मकरसंक्रान्तेः पावने अवसरे श्रद्धालवः सरयूगोमतीसंगमतटे माघीस्नानं कृत्वा बाबाबागनाथस्य दर्शनं कृतवन्तः। स्नानार्थं गढवालप्रदेशात्, दार्मातः, जोहारात्, व्यासात्, दानपुरात् च दूरस्थेभ्यः क्षेत्रेभ्यः अपि शताधिकाः श्रद्धालवः मङ्गलवासरस्य रात्रौ एव बागेश्वरं प्राप्तवन्तः।
रात्रौ समग्रे समये श्रद्धालवः झोड़ा चांचरी इति लोकगीतानि गायतः, अलावस्य तापं च अनुभवन्तः कालं अतीतवन्तः। प्रभाते संगमतटे स्नानं कृत्वा श्रद्धालवः सूर्यदेवाय अर्घ्यं दत्तवन्तः, सरयूपूजनं कृतवन्तः तथा बागनाथमन्दिरे पूजामर्चनं च कृतवन्तः।
मकरसंक्रान्त्यवसरे बागनाथमन्दिरे प्रातः त्रिवादनतः एव भक्तानां दीर्घाः पङ्क्तयः आसन्। पुजारिभिः विधिवत् पूजासम्पन्ने कृते पश्चात् श्रद्धालवः दर्शनं कृतवन्तः। पवित्रायां सरयू नद्यां स्नानं तथा मन्दिरे पूजामर्चनं कुर्वतां जनानां दिनभरं महान् संमर्दः दृश्यते स्म।
श्रद्धालूनां सुरक्षां दृष्ट्वा पुलिसप्रशासनं पूर्णतया सज्जम् आसीत्। महिला पुरुष पुलिसकर्मिभिः सह सरयूतटे जलपुलिसबलंशम् अग्निशमनदलश्च नियुक्तौ आस्ताम्। मेलायां आगतानां श्रद्धालूनां द्वारा विविधाः धार्मिकसंस्काराः अपि सम्पादिताः। नदीतीरे मुण्डनसंस्कारः, यज्ञोपवीतसंस्कारः, पितृतर्पणं च कृतम्। सरयू नद्याः तीरे अग्निकुण्डपुलात् आरभ्य डिग्रीमहाविद्यालयमैदानं यावत् श्रद्धालूनां घनघटा दृश्यते स्म।
पण्डितः कैलाशउपाध्यायः अवदत् यत् मकरसंक्रान्त्यां सूर्यः उत्तरायणं गच्छति, अतः अस्मिन् दिने कृतं स्नानं, दानं, पूजनं च विशेषं पुण्यप्रदं मन्यते। सरयूगोमतीसंगमे स्नानं कृत्वा बाबाबागनाथस्य दर्शनात् सर्वेषां दुःखानां निवारणं भवति तथा सुखसमृद्धेः प्राप्तिः भवति।
तथैव उत्तरायणीमेलस्य अन्तर्गतं जागरणरात्रौ नुमाइशमैदाने आयोजितानां सांस्कृतिककार्यक्रमाणां दर्शकैः महत् आनन्दं अनुभूतम्। उत्तरायणीमेलायां प्रथमवारं शास्त्रीयसंगीतस्य प्रस्तुतिḥ अभवत्। जागरणरात्रौ प्रसिद्धः शास्त्रीयगायकः पङ्कजउप्रेतीः स्वसहकलाकारैः सह मुख्यञ्चरङ्गे रागमारवाधारितां बागनाथस्तुतिं प्रस्तुतवान्, यां दर्शकैः अत्यन्तं प्रशंसितम्।
इतः चौकबाजारे मेलार्थिनः झोड़ा चांचरी गायतः वातावरणं भक्तिमयं कृतवन्तः। मकरसंक्रान्त्यवसरे सरयूतटे माघीखिचड्या सह चायापानस्य अपि आयोजनं कृतम्। खिचडीप्रसादग्रहणार्थं श्रद्धालूनां दीर्घाः पङ्क्तयः निरन्तरं दृश्यन्ते स्म।
हिन्दुस्थान समाचार