मुम्बईनगरम्, १४ जनवरीमासः (हि.स.)। वसई–विरार–नगर–महानगरपालिका (वी.वी.सी.एम्.सी.)-निर्वाचने चरित्रहीना:, दल-परिवर्तनशीलाः नेतारः राजनीतिक-दलैः दत्तां प्रत्याशित्व-स्वीकृतिं मतदातॄभ्य: न रोचन्ते। ह्य: पर्यन्तं मुक्त-मञ्चे परस्पर-दोष-प्रकाशनं कुर्वन्तः नेतारः अद्य युगलबन्द्यां दृश्यन्ते—एतेन नागरिकाः विस्मिताः सन्ति।उपायेन (जुगाडेन) पत्रकं लब्धवन्तः एते प्रत्याशिनः इदानीं जन-विश्वास-लाभे प्रवृत्ताः दृश्यन्ते, किन्तु जनाः तेषु असन्तुष्टाः सन्ति तथा विकल्पान् अन्वेष्टुं प्रवृत्ताः। अनेन कारणेन दल-परिवर्तनशीलान् प्राधान्यं दत्तवतां दलानां जनाधारः ह्रासं गन्तुम् अर्हति इति मन्यते।अधुना वी.वी.सी.एम.सी.-निर्वाचने महायुति-दलानि—भा.ज.पा., शिवसेना (शिन्दे), बहुजन-विकास-आघाडी (ब.वि.आ.), कांग्रेस-दलम्, शिवसेना (उद्धव) तथा अन्यानि दलानि—निर्वाचन-रणाङ्गणे स्थितानि सन्ति। मुख्यः प्रतिस्पर्धा महायुतेः बहुजन-विकास-आघाड्याः च मध्ये एव मन्यते। अनेकेषु महत्त्वपूर्णेषु दलेषु अन्य-दलेभ्यः आगतानां नेतॄणां प्रत्याशित्वं दत्तम् अस्ति, यस्य स्पष्टः विरोधः अपि दृश्यते।सूचनानुसारं, राज्ये महानगरपालिका-निर्वाचनानां घोषणा-परं राजनीतिक-दलेषु व्यापकः भेदभाव: तथा दल-परिवर्तनम् अभवत्। केचन दलानि मन्यन्ते यत् एतेन तेषां शक्तिः वर्धिता। किन्तु अस्य अपरः पक्षः विपरीतः अस्ति।यतः दल-परिवर्तनं कृत्वा आगतानां नेतॄणां प्राधान्येन दीर्घकालं दल-सेवां कृतवन्तः निष्ठावन्तः कार्यकर्तारः अत्यन्तं निराशाशालिन: अभवन्। अस्य विरोधः अपि प्रबलतया दृश्यते। केचन असन्तुष्टाः कार्यकर्तारः स्वतन्त्र-प्रत्याशिनः भूत्वा निर्वाचने अवतीर्णाः सन्ति।ते कार्यकर्तारः वदन्ति—“यत् दलं स्वकार्यकर्तॄणां न भवति, तत् जनतायाः कथं भविष्यति?”एतं सन्देशं ते विविध-प्रसार-माध्यमैः जनतायाः मध्ये प्रचारयन्ति। अनेन मतदातारः अपि असमञ्जस-स्थितौ सन्ति—कस्मै मतं दद्यु: इति। अतः मन्यते यत् ‘नोटा’-पदाय प्रदत्तानां मतानां प्रतिशतं वर्धितुं शक्नोति।मतदातॄणां मनसि यत् भवति, तत् निर्वाचन-परिणामानन्तरं एव स्पष्टं भविष्यति।प्राप्ताङ्कानुसारं, वी.वी.सी.एम.सी.-क्षेत्रे प्रायः १२,३४,६९० मतदातारः सन्ति।प्रभागानां तथा आसनानां विषये वदामः चेत्—आहत्य २९ प्रभागाः निर्मिताः सन्ति।तेषु २८ प्रभागेषु प्रत्येकं ४ आसनानि,एकस्मिन् प्रभागे ३ आसनानि सन्ति।११५ आसनेषु—५८ स्त्रीभ्यः,५७ पुरुषेभ्यः आरक्षितानि सन्ति।एतेषु—अन्य-पिछड़ा-वर्गाय (OBC) ३१ आसनानि,अनुसूचित-जातये (SC) अनुसूचित-जनजातये (ST) च १० आसनानि,सामान्य-वर्गाय ७४ आसनानि निश्चितानि सन्ति।अत्र १५ जनवरी दिने मतदानं,१६ जनवरी दिने मतगणना भविष्यति।

हिन्दुस्थान समाचार / अंशु गुप्ता