Enter your Email Address to subscribe to our newsletters
जयपुरनगरम्, १५ जनवरीमासः (हि.स.)। विकसित-भारत-गारन्टी-रोजगार-एवम्-आजीविका-मिशन (ग्रामीण) – “वीबी–जी राम-जी” विषयं आश्रित्य शुक्रवासरे भाजपा-प्रदेश-कार्यालये एकदिवसीया कार्यशाला आयोजिता भविष्यति।
वीबी–जी राम-जी अभियानस्य प्रदेश-संयोजकः श्री-जसवन्त-सिंह-बिश्नोई अवदत् यत् अस्यां कार्यशालायां भाजपा-राष्ट्रीय-महासचिवः श्री-अरुण-सिंहः, मुख्यमन्त्री श्री-भजनलाल-शर्मा, प्रदेश-अध्यक्षः श्री-मदन-राठौड़ः, किसान-मोर्चा-राष्ट्रीय-अध्यक्षः श्री-राजकुमार-चाहरः च उपस्थिताः भविष्यन्ति।
सः अवदत् यत् भाजपा-प्रदेश-कार्यालये प्रातः १० वादनात् आरभ्य आयोजितायां अस्यां कार्यशालायां प्रदेश-पदाधिकारिणः, सांसदाः, सर्वे विधायकाः, जनपदाध्यक्षाः, वीबी–जी राम-जी-संबद्धाः जनपद-संयोजकाः, प्रवक्तार:, मोर्चा-अध्यक्षाः, आयोग-बोर्ड-अध्यक्षाश्च सहभागिनः भविष्यन्ति।
हिन्दुस्थान समाचार / अंशु गुप्ता