Enter your Email Address to subscribe to our newsletters
मुजफ्फरपुरम्, 15 जनवरीमासः (हि.स.)।
बिहारराज्यस्य मुजफ्फरपुरनगरे मकरसंक्रान्तेः पूर्वरात्रौ बाबा गरीबनाथस्य एकशतं किलोग्रामपरिमितैः लाई-तिल-तिलकुटैः महाशृङ्गारः कृतः। पुजारी आशुतोषपाठकः (डाबर बाबा इति प्रसिद्धः) तथा पण्डित अभिषेकपाठकश्च प्रथमं भोलेनाथस्य षोडशोपचारपूजनं कृत्वा ततः लाई-तिल-तिलकुटैः महाशृङ्गारं कृतवन्तौ। अनन्तरं धूपदीपैः सह बाबा गरीबनाथस्य आरती समाचरिता।
सनातनसेवार्थसंयोजकः प्रभात मालाकारः गुरुवासरे अवदत् यत् प्रतिवर्षं मकरसंक्रान्तौ बाबा गरीबनाथस्य लाई-तिल-तिलकुटैः शृङ्गारः क्रियते, येन बिहारवासिनां जीवनं सुखसमृद्ध्या मधुरतया च परिपूर्णं भवेत्। पण्डित आशुतोषपाठकः अपि अवदत् यत् कस्यापि पर्वणि आदौ स्वदेवतायै भोगप्रसादार्पणस्य परम्परा अस्ति। तस्मात् प्रथमं बाबा गरीबनाथाय लाई-तिलकुटभोगः समर्पितः, तदनन्तरं वयं सर्वे अद्य मकरसंक्रान्तिं आचरामः।
अस्मिन् अवसरे सन्त अमरनाथः, निरञ्जन झा, अंशु कुमार मिश्रः, मनीष सोनी, पवन महतो, राकेश तिवारी, रमण मिश्रः, रतन चौधरी च सहितं शताधिकाः श्रद्धालवः उपस्थिताः आसन्।
---------------
हिन्दुस्थान समाचार