जलपाईगुड़ी, 15 जनवरीमासः (हि.स)। कलकत्तायाः उच्चन्यायालयस्य जलपाईगुडी-सर्किटबेंचस्य नवनिर्मितं भवनं उद्घाटनात् पूर्वमेव रंगीनप्रकाशैः भव्यतया अलङ्कृतम् अस्ति। आगामि सप्तदशे जानेवारीमासे अस्य नूतनभवनस्य औपचारिकम् उद्घाटनं भविष्यति।

तैयारीणां निरीक्षणार्थं बुधवासरे सायङ्काले सिलीगुडीनगरस्य महापौरः गौतमदेवः नूतनभवनं निरीक्षितुं आगतः। तेन सह जलपाईगुडी-नगरपालिकायाः अध्यक्षः सैकतचट्टोपाध्यायः अपि उपस्थितः आसीत्। निरीक्षणकाले भवनस्य आधारभूतसंरचना, सुरक्षा-व्यवस्था, अन्ये च विविधाः विषयाः सम्यक् रूपेण समीक्षिताः।

प्रशासनतर्फेण उक्तं यत् उद्घाटनसमारोहस्य सर्वाः तयारीः प्रायः अन्तिमावस्थां प्राप्ताः सन्ति। सायंकाले भवनस्य आकर्षकप्रकाशव्यवस्थां सौन्दर्यं च द्रष्टुं बहवः सामान्यजनाः तत्र आगच्छन्ति।

प्राप्तसूचनानुसारं सर्किटबेंच-भवनस्य उद्घाटनसमारोहे सर्वोच्चन्यायालयस्य मुख्यन्यायाधीशः उपस्थितः भविष्यति। अस्मिन् अवसरे महापौरः गौतमदेवः अवदत् यत् उत्तरबङ्गप्रदेशस्य जनानां दीर्घकालीनां याचनां पूरयित्वा जलपाईगुडीनगरे सर्किटबेंचस्य स्थापना कृता। सर्किटबेंच-भवननिर्माणार्थं राज्यसरकारया पञ्चशतैककोटि-रूप्यकाणां (५०१ कोटि) आवंटनं कृतम्।

सः अपि अवदत् यत् अधुना उत्तरबङ्गप्रदेशस्य न्यायार्थिनां न्यायप्राप्तये कोलकातानगरं गन्तुं आवश्यकता न भविष्यति। मुख्यमन्त्रिण्या ममता बनर्ज्याḥ पहलया जलपाईगुडीनगरे सर्किटबेंच-निर्माणं सम्भवं जातम्।

हिन्दुस्थान समाचार