मुंबई, 15 जनवरीमासः, (हि. स.)। वसई (पूर्व) स्थिते एवरशाइन सेक्टर-६ क्षेत्रे श्रीहंसविजयनगर आश्रमे मकरसंक्रान्ति पर्व श्रद्धया भक्त्या च उत्साहेन सह सम्यक् रूपेण आचरितम्। अस्मिन् अवसरे मानवोत्थानसेवासमित्या वसई शाखया सद्भावनासम्मेलनस्य आयोजनं कृतम्।

श्रीविभूजीमहाराजस्य पावनसान्निध्ये सम्पन्ने अस्मिन् सम्मेलने बहवः श्रद्धालवः सहभागित्वं कृतवन्तः। तत्र श्रद्धालवः श्रीविभूजीमहाराजस्य दर्शनं कृत्वा प्रेरणादायकप्रवचनस्य लाभं प्राप्तवन्तः। प्रवचने महाराजेन मनःएकाग्रतायाः महत्त्वं मार्मिकप्रसङ्गानां माध्यमेन सरलया भाषया सुबोधं कृतम्। तस्य विचारैः उपस्थिताः श्रद्धालवः भावविभोराः अभवन् आध्यात्मिकशक्तेः च अनुभूतिं कृतवन्तः।

अस्मिन् अवसरे आवश्यकताग्रस्तजनानां कृते कंबलानां शय्याच्छादनानां च अन्येषां आवश्यकवस्तूनां वितरणं कृतम्। सम्मेलने सूरत् नासिक् पुणे मुम्बई नवीमुम्बई इत्यादिभ्यः विविधस्थानेभ्यः आगताः श्रद्धालवः अपि उपस्थिताः आसन्। शान्तेः सद्भावस्य मानवकल्याणस्य च सन्देशेन सह कार्यक्रमस्य समापनं कृतम्।

हिन्दुस्थान समाचार