Enter your Email Address to subscribe to our newsletters
चेन्नई, 15 जनवरीमासः (हि.स.)।
तमिलानाडुराज्ये तमिलजनानां प्रमुखः पर्व पोंगलः महानुत्साहेन हर्षोल्लासेन च सर्वत्र सम्यक् आचर्यते। अस्मिन् अवसरे सर्वेषु गृहेषु उत्सवमयः वातावरणः दृश्यते। पोंगलपर्वणः निमित्तं विद्यालयेषु महाविद्यालयेषु च जनवर्यमासस्य चतुर्दशदिनात् अष्टादशदिनपर्यन्तं पञ्चदिनात्मकः अवकाशः घोषितः अस्ति।
अस्य पर्वणः अवसरं कृत्वा राज्यस्य विविधेभ्यः महानगरेभ्यः सहस्रशः श्रमिकाः स्वस्वग्रामान् स्वपरिवारांश्च प्राप्तवन्तः। सूर्यस्य धनुराशेः मकरराशौ प्रवेशः ‘थाईमासस्य जन्म’ इति कथ्यते। एष एव पर्व अन्येषु राज्येषु ‘मकरसंक्रान्तिः’ इति नाम्ना सूर्यदेवं प्रति कृतज्ञतासूचकं पर्वरूपेण आचर्यते। अस्यैव क्रमस्य अनुसारेण अद्य पोंगलपर्व आचर्यते।
कृषकाणां पर्व इति तथा तमिलजनानां महान् उत्सव इति विख्यातः पोंगलः प्रतिवर्षं तमिलमासस्य ‘थाई’ नामकस्य प्रथमायां तिथौ आचर्यते। आङ्ग्लपञ्चाङ्गानुसारं सामान्यतः एतत् पर्व जनवर्यमासस्य चतुर्दशे पञ्चदशे वा दिने भवति। वर्षे २०२६ पोंगलपर्व जनवर्यमासस्य पञ्चदशे दिने गुरुवासरे भविष्यति। ततः परं षोडशे दिने मट्टुपोंगलः सप्तदशे दिने शनिवासरे कानुमपोंगलश्च आचर्यते।
पोंगलपर्वणः अवसरं कृत्वा प्रातःकाले एव जनाः स्वगृहाणां शुद्धिं कृत्वा तेषां वर्णलेपनं च कृतवन्तः। जनवर्यमासस्य चतुर्दशे दिने भोगीपर्वेण पोंगलोत्सवस्य आरम्भः अभवत्। सायंकालतः रात्रेः अन्तपर्यन्तं गृहेषु वीथिषु च रंगोलीचूर्णैः चुनेन गेरेण च मनोहराणि चित्राणि निर्मितानि। आपणेषु इक्षवः हरिद्रापादपाः पुष्पाणि पनंगिजङ्गु इत्यादीनां विक्रयः तीव्रः आसीत्। नववस्त्रक्रयार्थं अपि जनसमूहः बहुलः दृश्यते स्म।
पोंगलपर्व गुरुवासरे पतितत्वात् केचन जनाः प्रातः ४.३० तः ६.०० वादनपर्यन्तं ब्रह्ममुहूर्ते पोंगलपाकं कृतवन्तः। दुग्धस्य उफनसमये ‘पोंगलो पोंगल’ इति जयघोषैः हर्षकिलकारैश्च आनन्दः व्यक्तः। पोंगलनिर्माणस्य शुभः कालः प्रातः १०.३० तः ११.३० वादनपर्यन्तं निर्दिष्टः। प्रातःकाले पोंगलोत्सवं कुर्वतां कृते ७.३० तः ९.०० वादनपर्यन्तं कालोऽपि शुभः इति कथ्यते।
अद्य पोंगलपर्वणः अवसरं कृत्वा देवालयेषु विशेषपूजाः आराधनाश्च क्रियन्ते। तदनन्तरं ग्रामेषु नगरेषु च अद्य श्वश्च क्रीडास्पर्धाः सांस्कृतिककार्यक्रमाश्च आयोज्यन्ते।
पोंगलपर्वणः अवसरं कृत्वा चेन्नई बेंगळूरु कोयम्बटूर इत्यादिभ्यः महानगरेभ्यः सप्तलक्षाधिकाः जनाः बसयानैः रेलयानैश्च स्वग्रामान् प्रत्यागत्य स्वपरिवारैः सह पोंगलोत्सवं अनुभवन्ति। यात्रिकाणां सुविधार्थं तमिलानाडुसरकारेण जनवर्यमासस्य नवमे दिनात् विशेषबसयानानि प्रवर्तितानि। नियमितरेलयानैः सह पोंगलविशेषरेलयानान्यपि सञ्चालितानि। अस्य पोंगलपर्वणः निमित्तं जनवर्यमासस्य चतुर्दशदिनात् अष्टादशदिनपर्यन्तं विद्यालयेषु महाविद्यालयेषु च पञ्चदिनात्मकः अवकाशः घोषितः अस्ति।
---------------
हिन्दुस्थान समाचार