नवादा,16 जनवरीमासः (हि.स.)

भारतीयजनतापक्षस्य कार्यालये विकसितभारत-अनुबंध-रोजगार-आजीविका-मिशन-ग्रामीण (वीबीजी–रामजी) योजनां विषयीकृत्य शुक्रवासरे जिलाध्यक्षस्य अनिलमेहतस्य अध्यक्षतायां एकदिवसीया कार्यशाला आयोजिता अभवत्। कार्यशालायाः मुख्यातिथिः भाजपाप्रदेशमन्त्री धनराजशर्मा आसीत्, तथा विशिष्टातिथिरूपेण पूर्वविधायिका अरुणादेवी, जिलाप्रभारी राजेशकुमारसिंहः, नालन्दाजिलाप्रभारी संजयकुमारमुन्‍ना च उपस्थिताः आसन्। कार्यक्रमस्य मञ्चसञ्चालनं कार्यक्रमसंयोजकः जिला महामन्त्री शैलेन्द्रशर्मा अकरोत्।

प्रदेशमन्त्री धनराजशर्मा अवदत् यत् काङ्ग्रेसद्वारा वीबीजी–रामजी योजनां प्रति निरन्तरं दुष्प्रचारः क्रियते, तस्य उत्तरं भाजपाकार्यकर्तारः तथ्यैः जनसम्पर्केण च दास्यन्ति। सः निर्देशं दत्तवान् यत् कार्यकर्तारः गृहं–गृहं गत्वा योजनायाः वास्तविकविशेषताः जनान् अवगतं कारयन्तु तथा ग्रामेषु चौपालाः आयोज्य जनजागरणं कुर्वन्तु।

सः अवदत् यत् अस्याः योजनायाः अन्तर्गतं इदानीं श्रमिकेभ्यः शतदिनानां स्थाने पञ्चविंशत्यधिकशतदिनानि (१२५ दिनानि) रोजगारः प्राप्स्यते तथा मजदूरीभुगतानं प्रत्यासप्ताहं साक्षात् बैंकखातेभ्यः दास्यते। अपि च सः उक्तवान् यत् मण्डलस्तरे कार्यशालानाम् आयोजनं कृत्वा अभियानं अधिकं वेगं प्राप्स्यति।

जिलाप्रभारी राजेशकुमारसिंहः अवदत् यत् वीबीजी–रामजी योजना ग्रामीणार्थव्यवस्थायाः सुदृढीकरणाय ऐतिहासिकी पहल अस्ति। सः उक्तवान् यत् भाजपाकार्यकर्तारः सरकारस्य जनतायाश्च मध्ये सेतुरूपेण कार्यं कुर्वन्तु तथा एतत् सुनिश्चितं कुर्वन्तु यत् कश्चन पात्रलाभार्थी योजनायाः लाभात् वञ्चितो न भवेत्।

जिलाध्यक्षः अनिलमेहतः अवदत् यत् वीबीजी–रामजी योजना ग्रामीणदरिद्राणां, श्रमिकाणां, महिलानां च जीवने आर्थिकसुरक्षां सम्मानं च आनयति। सः उक्तवान् यत् प्रधानमन्त्रिणः नरेन्द्रमोदिनः नेतृत्वे केन्द्रसर्वकारेण एतत् सुनिश्चितं कृतम् यत् श्रमिकेभ्यः अधिकाः कार्यदिवसाः समये च भुगतानं लभ्यते। सः कार्यकर्तॄन् काङ्ग्रेसस्य दुष्प्रचारं उद्घाटयितुं आह्वानं कृतवान्।

अन्ते सः अवदत् यत् भाजपासंगठनं पूर्णप्रतिबद्धतया एतां योजनां जन–जनपर्यन्तं प्रापयिष्यति। सप्तदशात् विंशतितिथिपर्यन्तं सर्वेषु मण्डलेषु कार्यशालानाम् आयोजनं भविष्यति, यस्मिन् मण्डलकार्यकर्तारः पञ्चायतप्रतिनिधयश्च उपस्थिताः भविष्यन्ति।

---------------

हिन्दुस्थान समाचार