भोपालनगरम्, १६ जनवरीमासः (हि.स.)। मध्यप्रदेशस्य मुख्यमन्त्री डॉ.मोहन–यादवः अद्य शुक्रवासरे नर्मदापुरम्–जनपदस्य माखन–नगरे (बाबई) आयोजिते लाडली–भगिनीनां राज्यस्तरीय–सम्मेलने “मुख्यमन्त्री–लाडली–बहना–योजना” अन्तर्गतं प्रदेशस्य भगिनीनां धनागारेषु धनराशेः अन्तरणं करिष्यति।

प्रदेशस्य प्रायः १ कोटि २५ लक्ष ३१ सहस्राधिक–पात्र–भगिनीनां धनागारेषु १८३६ कोटि–रूप्यकाणाम् अधिका धनराशिः अन्तरिता भविष्यति। जनसम्पर्क–अधिकारी बिन्दु–सुनीलः सूचनां दत्त्वा अवदत् यत् मुख्यमन्त्री डॉ.यादवः अस्मिन् कार्यक्रमे २९ लक्ष भगिनीभ्यः गैस–सिलिण्डर–रीफिलिङ्ग–कृते ९० कोटि–रूप्यकाणाम् अधिका धनराशिः अपि अन्तरितुं करिष्यति। अस्मिन् अवसरे जनपदस्य विविध–विकास–कार्याणां भूमिपूजनं लोकार्पणं च करिष्यते।

उल्लेखनीयं यत् “मुख्यमन्त्री–लाडली–बहना–योजना” जून–मासे २०२३ तमे वर्षे आरब्धा। योजनाया: अन्तर्गतं नवम्बर–मासात् २०२५ तमे वर्षे प्रतिमास–सहायता–राशौ २५० रूप्यकाणां वृद्धिः कृता। अधुना पात्र–हितग्राही–महिलाभ्यः प्रतिमासं १५०० रूप्यकाणाम् आर्थिक–सहायता प्रदीयते। योजनाया: अन्तर्गतं जून–मासात् २०२३ तमे वर्षे आरभ्य दिसम्बर–मासपर्यन्तं २०२५ तमे वर्षे ३१ मासिक–भागं नियमितम् अन्तरणं सम्पन्नम् अस्ति।

जनवरी–मासे २०२६ तमे वर्षे योजनाया: ३२–तम: अंशा: लाडली–भगिनीनां खातेषु अन्तरिता भविष्यति। योजना–अन्तर्गतं जून–मासात् २०२३ तमे वर्षे आरभ्य दिसम्बर–मासपर्यन्तं २०२५ तमे वर्षे आहत्य ४८ सहस्र ६३२ कोटि ७० लक्ष रूप्यकाणि हितग्राही–महिलानां धनागारेषु अन्तरितानि सन्ति।

जनवरी–मासात् २०२४ तमे वर्षे आरभ्य दिसम्बर–मासपर्यन्तं २०२५ तमे वर्षे ३८ सहस्र ६३५ कोटि ८९ लक्ष रूप्यकाणि अन्तरितानि अभवन्। “मुख्यमन्त्री–लाडली–बहना–योजना” प्रदेशस्य महिलानां जीवने आर्थिक–सुरक्षा, आत्मनिर्भरता तथा सम्मानं सुनिश्चितं कृतवती।

अग्रिम–काले हितग्राही–महिलाभ्यः रोजगार–स्वरोजगार–कौशल–उन्नयन–कार्यक्रमैः सह संयोजयितुं विशेष–प्रयत्नाः करिष्यन्ते, येन ताः आर्थिकरूपेण अधिकं सशक्ताः भवन्तु।

हि.स./डॉ. मयंक–चतुर्वेदी

हिन्दुस्थान समाचार / अंशु गुप्ता