मंदसौरः, 16 जनवरीमासः (हि.स.) ।मध्यप्रदेशस्य उपमुख्यमंत्री जगदीशदेवडा शुक्रवासरे मंदसौरजिलस्य आक्याबीका ग्रामे स्थिते गोशालापरिसरे समागतः सन् समग्रेण नवकोटि अष्टत्रिंशत् लक्षरूप्यकाणां व्ययेन निर्मीयमानानां तिसृणां सड्कानां भूमिपूजनं कृतवान्। एतेषु सड्कासु त्रिकोटि द्विलक्षरूप्यकव्ययेन खेड़ा टकरावद मार्गः, त्रिकोटि त्र्यशीतिलक्षरूप्यकव्ययेन आक्याबीका मगराना मार्गः, तथा द्विकोटि अष्टत्रिंशत् लक्षरूप्यकव्ययेन ढाणी भेरूजी मार्गः भूमिपूजितः। अस्मिन् अवसरॆ उपमुख्यमन्त्रिणा देवडेन क्षयरोगपीडितेभ्यः आहारपुटिकानां वितरणं अपि कृतम्।

अस्मिन् कार्यक्रमे जिला पंचायताध्यक्षः दुर्गाविजयपाटीदारः, जिला योजनासमितेः सदस्यः राजेशदीक्षितः, अन्ये च स्थानीयजनप्रतिनिधयः, अधिकारीणः, बहुसंख्यकाः ग्रामवासिनः पत्रकाराः च उपस्थिताः आसन्। कार्यक्रमं सम्बोधयन् उपमुख्यमंत्री देवडा अवदत् यत् वर्तमानः कालः सड्काविकासस्य सुवर्णयुगः अस्ति। सड्कानां चतुर्मुखः विकासः जातः, येन ग्रामे ग्रामे गमनागमनं सुलभं जातम्। मल्हारगढ़ क्षेत्रे एव प्रायः द्विशतपञ्चाशत् सड्कानां निर्माणं कृतम्। एतत् सर्वं शासनस्य दृढसंकल्पस्य परिणामः अस्ति, येन विकासकार्याणि निरन्तरं शीघ्रगत्या प्रचलन्ति।

सः अपि अवदत् यत् गान्धीसागरस्य जलं कृषकाणां क्षेत्रेषु प्रापयितुं शासनद्वारा कार्यं क्रियते, तथा च आगामि एकवर्षस्य अन्तर्गतं कृषकाणां क्षेत्रेषु जलं प्राप्स्यति। शासनस्य योजनानां लाभः कृषकाणां, महिलानां, दरिद्राणां, सर्वेषां हितग्राहिणां च प्रत्यक्षं लभ्यते। सड्कपरिवहनं देशस्य समग्रविकासे अत्यन्तं महत्त्वपूर्णां भूमिकां निर्वहति। सड्काभिः न केवलं जनानां एकस्मात् स्थानात् अन्यस्मिन् स्थानं प्रति संयोजनं भवति, अपि तु कृषि उद्योग व्यापार सेवा क्षेत्राणां अपि नव्या गतिः लभ्यते। सशक्तसड्कजालस्य अभावे समतोलविकासः सम्भवो न भवति।

सः अवदत् यत् उत्तमाभिः सड्काभिः कृषकाः स्वकीयां उपजां कालेन मण्डीषु प्रापयितुं शक्नुवन्ति, येन तेषां समुचितं मूल्यं लभ्यते। उद्योगेभ्यः अपि कच्चामालस्य सिद्धोत्पादानां च वहनं सुलभं भवति, येन उत्पादनं वर्धते, निवेशस्य नूतनाः अवसराः च सृज्यन्ते। मार्गपरिवहनेन जीविकावसराः अपि वर्धन्ते तथा च ग्रामीणशहरीक्षेत्रयोः मध्ये सम्पर्कः दृढतरः भवति। उपमुख्यमन्त्रिणा उक्तं यत् सुदृढा सड्कावसंरचना शिक्षा स्वास्थ्य पर्यटन आपत्कालीनसेवाभ्यः च सुलभां प्राप्तिं ददाति तथा च सामान्यनागरिकाणां जीवनस्तरं उन्नयितुं महत्त्वपूर्णां भूमिकां वहति।

---------------

हिन्दुस्थान समाचार