Enter your Email Address to subscribe to our newsletters
जगदलपुरम्, 17 जनवरीमासः (हि.स.)।
बस्तर जिलामुख्यालये षड्विंशतितमे जानेवारीमासस्य गणतन्त्रदिवससमारोहं भव्यं सुव्यवस्थितं च कर्तुं जिला प्रशासनं पुलिसविभागश्च पूर्णतया सज्जौ सन्तः तीव्रतया पूर्वतैयारीषु प्रवृत्तौ स्तः। नगरे ऐतिहासिके लालबागमैदाने अस्मिन् वर्षे परेड्, विविधानि रंगारंगाणि सांस्कृतिककार्यक्रमाणि तथा च विभिन्नविभागानां आकर्षकाः प्रदर्शिन्यः द्रष्टुं लभ्यन्ते। समारोहस्य सुरक्षाव्यवस्थातः आरभ्य मञ्चव्यवस्थापर्यन्तं प्रत्येकस्मिन् पक्षे सूक्ष्मतया कार्यं क्रियते।
पुलिसविभागस्य कथनानुसारं अस्मिन् वर्षे समारोहे पञ्चदश टुकड्याः सन्ति, येषु चतुश्शतानि पञ्चाशदधिकानि अनुशासितानि जवानानि परेडेन सलामीं दास्यन्ति। एतेषु जिलापुलिसबलम्, केन्द्रीयआरक्षितपुलिसबलम्, विशेषकार्यबलम्, गृहसैनिकाः, एनसीसी तथा विद्यालयीयाः कैडेटाः अन्तर्भवन्ति। अस्य निमित्तं प्रतिदिनं प्रातः सायं च लालबागमैदाने परेडस्य अभ्यासः प्रचलति, यत्र जवानाः परस्परसमन्वयेन अनुशासनेन च मार्चपास्टस्य अभ्यासं कुर्वन्ति।
समारोहकाले विविधशासकीयविभागानां विकासाधारिताः झांक्यः अपि प्रदर्श्यन्ते। तासु शिक्षा, स्वास्थ्य, महिला एवं बालविकास, वनविभाग, ग्रामीणविकास तथा आदिवासीसंस्कृतिसम्बद्धाः झांक्यः प्रमुखाकर्षणानि भविष्यन्ति। एतदतिरिक्तं नगरस्य शतानि विद्यालयीयबालकाः देशभक्तिगीतानि, समूह-नृत्यानि, आदिवासीलोकनृत्यानि तथा सांस्कृतिकप्रस्तुतयः करिष्यन्ति। अनेके विद्यालयाः स्वस्वदलान् चयन्य अभ्यासं आरब्धवन्तः। विशेषतया बस्तरप्रदेशस्य पारम्परिकलोककला मञ्चे प्रमुखतया प्रदर्श्यते।
---------------
हिन्दुस्थान समाचार