Enter your Email Address to subscribe to our newsletters
- यह मान्यता स्टार्टअप इकोसिस्टम को बढ़ावा देने के सरकार के प्रतिबद्धता को दर्शाता है : मुख्यमंत्री
गंगटोकः, 17 जनवरीमासः (हि.स.)। सिक्किमराज्यस्य वाणिज्य-उद्योगविभागं, उद्यमिनां समुदायं तथा सिक्किमस्य सर्वान् हितधारकान् नेशनल् स्टार्टअप् डे–२०२६ अवसरं प्राप्य ‘एस्पायरिङ् लीडर् अवार्ड्’ इति सम्मानं लब्ध्वा मुख्यमंत्री प्रेमसिंह तमाङ्गः हार्दिकाभिनन्दनं व्यक्तवान्। सः अवदत् यत् राज्येन प्राप्ता एषा प्रथमा राष्ट्रीय स्टार्टअप् मान्यता सरकारस्य स्टार्टअप् पारिस्थितिकीव्यवस्थायाः संवर्धने दृढां प्रतिबद्धतां सूचयति।
शनिवासरे सामाजिकमाध्यमे फेसबुक् इत्यत्र प्रकाशिते अभिनन्दनसन्देशे मुख्यमंत्रिणाः स्वकीयतः तथा सिक्किमसरकारतश्च राज्यस्य वाणिज्य-उद्योगविभागं, उद्यमिनां समुदायं तथा सर्वान् हितधारकान् प्रति हार्दिकाभिनन्दनं कृतम्।
मुख्यमंत्रीणाः सन्देशे उक्तं यत् राज्येन प्राप्ता एषा प्रथमा राष्ट्रीय स्टार्टअप् मान्यता जीवंतां, समावेशिनीं, नवोन्मेषप्रधानां च स्टार्टअप् पारिस्थितिकीव्यवस्थां संवर्धयितुं सिक्किमराज्यस्य दृढप्रतिबद्धतां दर्शयति। तेन राज्यस्य वाणिज्य-उद्योगविभागस्य मन्त्री टीटी भोटिया, सचिवः कर्मा डी युत्सो, विशेषसचिवा छोदेन ग्यात्सो, निर्देशकः रविकुमारः तथा तेषां दलं उत्कृष्टनेतृत्वस्य समर्पितयोगदानस्य च कृते प्रशंसिताः।
मुख्यमंत्रीणाः एषा उपलब्धिः सर्वेषां अधिकारिणां, उद्यमिनां, स्टार्टअप्स् तथा पारिस्थितिकीसहभागिनां सामूहिकसफलता इति वर्णिता। सः प्रगतिशीलनीतीनां, इन्क्युबेशनसमर्थनस्य तथा वित्तसुलभतायाः माध्यमेन उद्यमशीलतां अधिकं सुदृढीकर्तुं स्वकीयां प्रतिबद्धतां पुनरुक्तवान्। तेन भारतसरकारस्य निरन्तरसमर्थनं, मार्गदर्शनं तथा प्रोत्साहनं प्रति अपि हार्दिका कृतज्ञता व्यक्ता।
उल्लेखनीयं यत् स्टार्टअप् इण्डिया आन्दोलनस्य दशवर्षपूर्त्यवसरे शुक्रवासरे नवदिल्ली नगरे आयोजिते नेशनल् स्टार्टअप् डे–२०२६ कार्यक्रमे सिक्किमराज्यं प्रतिष्ठितेन ‘एस्पायरिङ् लीडर् अवार्ड्’ इति सम्मानं प्राप्नोत्। अस्मिन् समारोहे प्रधानमन्त्री नरेन्द्रमोदी तथा केन्द्रीय वाणिज्य-उद्योगमन्त्री पीयूषगोयलः उपस्थितौ आस्ताम्।--------------
हिन्दुस्थान समाचार